| e-texts navigator |
| བོད་ཡིག |
52a1 du bstod/ /de bzhin gshegs pa'i dam pa'i chos 'dzin pa/ /brgya byin tshangs pa de bzhin 'jig rten skyong / /'khor los sgyur dang mi yi rgyal por 'gyur/ /bde dang yid bde byang chub de 'tshang rgya/ /de bzhin gshegs pa'i dam pa'i chos 'dzin pa/ /de
52a2 lus sum cu rtsa gnyis mtshan ldan zhing / /mkhas pa yan lag smad pa med par 'gyur/ /de la lta bas ngoms par yong mi 'gyur/ /de bzhin gshegs pa'i dam pa'i chos 'dzin pa/ /gang dag chos kyi phyag rgya 'di ston pa'i/ /dge ba'i bshes gnyen de la dkon mi 'gyur/ /
52a3 chos mdzod zad mi shes pa nyan par byed/ /de bzhin gshegs pa'i dam pa'i chos 'dzin pa/ /lus dang ngag dang yid kyang rnam par dag /tshul khrims ting 'dzin shes rab rnam par dag /rnam grol ye shes shin tu rnam par dag /de bzhin gshegs pa'i dam pa'i chos
52a4 'dzin pa/ /de ni byang chub sems brjed 'gyur ba med/ /pha rol phyin pa spyod dang 'gal mi 'gyur/ /dge ba brgya rnams kyis kyang rab tu bzung / /de dag rnams kyi yon tan phan yon rnams/ /bskal pa rgyun mi 'chad par rab brjod kyang / /dam chos 'dzin pa'i phan
52a5 yon 'di dag ni/ /brjod pas mtha' mar phyin par mi 'gyur ro/ /sangs rgyas kyi chos bstan pa'i le'u ste drug pa'o// //de nas byang chub sems dpa' sems dpa' chen po yon tan gyi rgyal po snang ba/ zhes bya ba 'khor de nyid du 'dus par gyur te 'dug pa des/
52a6 bcom ldan 'das la 'di skad ces gsol to/ /bcom ldan 'das kyis ngas chos gang mngon par rdzogs par sangs rgyas pa de brjod du med do zhes gsungs na/ bcom ldan 'das chos brjod du ma mchis pa lags na dam pa'i chos yongs su bzung ba ji lta bu zhig lags/
52a7 bcom ldan 'das kyis bka' stsal pa/ rigs kyi bu de de bzhin no/ /ji skad smras pa de bzhin te/ chos gang ngas mngon par rdzogs par sangs rgyas pa de brjod du med do/ /rigs kyi bu 'on kyang yi ge'i nges pa'i tshig gang dag gis brjod du med pa 'dus ma byas kyi chos de bsnyad pa'i
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo