rKTs

e-texts navigator

Volume

Page

50b₁ gang de bzhin nyid du sgrub pa lta smos kyang ci dgos/ de ci'i phyir zhe na/ blo gros rgya mtsho zang zing gi sbyin pa de thams cad ni 'jig rten la bsten pa'o/ /chos kyi sbyin pa 'di ni 'jig rten thams cad las shin tu 'da' bar 'gyur ba'o/ /blo gros rgya mtsho dam pa'i chos yongs su 'dzin
50b₂ pa ni/ yongs su bzung ba bzhi rab tu 'thob ste/ bzhi gang zhe na/ sangs rgyas kyis yongs su bzung ba rab tu 'thob pa dang / lhas yongs su bzung ba dang / bsod nams kyis yongs su bzung ba dang / ye shes kyis yongs su bzung ba 'thob pa'o/ /
50b₃ blo gros rgya mtsho sangs rgyas kyis yongs su bzung ba'i byang chub sems dpa'i khyad par du 'gyur ba bzhi ste/ bzhi gang zhe na/ de bzhin gshegs pa mthong ba dang mi 'bral bar 'gyur ba dang / de la bdud thams cad kyis glags mi rnyed par 'gyur ba dang / gzungs
50b₄ rab tu thob pas mi zad par 'gyur ba dang / mngon par shes pa myur te phyir mi ldog pa'i sa thob par 'gyur ba ste/ blo gros rgya mtsho sangs rgyas kyis yongs su bzung ba'i byang chub sems dpa'i khyad par du 'gyur ba bzhi po de dag go/ /blo gros rgya mtsho lhas yongs su bzung
50b₅ ba'i byang chub sems dpa'i rnam par dag par 'gyur ba bzhi ste/ bzhi gang zhe na/ lha rnams kyis de'i 'khor gyi dkyil 'khor rnam par sbyong ba dang / chos mnyan pa la sems rtse gcig tu bya bar 'jog pa dang / de la pha rol gyi gnod pa thams cad mi 'byung bar byed pa dang /
50b₆ de la sems ma dad pa thams cad kyang lha rnams kyi dbang gis dad par byed pa ste/ blo gros rgya mtsho lhas yongs su bzung ba'i byang chub sems dpa'i rnam par dag par 'gyur ba bzhi po de dag go/ /blo gros rgya mtsho bsod nams kyis yongs su bzung ba'i byang chub sems
50b₇ dpa'i rgyan du 'gyur ba bzhi ste/ bzhi gang zhe na/ mtshan dang dpe byad bzang po yongs su rdzogs pas lus kyi rgyan dang / sems can thams cad mgu bar byed pas ngag gi rgyan dang / bya ba thams cad kun tu ston pas zhing gi rgyan dang / brgya byin dang tshangs pa dang

_{iiif viewer powered by OpenSeadragon}

50a - 51a

Texts on this page