| e-texts navigator |
| བོད་ཡིག |
50a1 chos mngon par rdzogs par sangs rgyas nas kyang sems can gzhan dag dang gang zag gzhan rnams la brjod du med pa'i don de brjod pas rnam par rig par byed cing go bar byed pa ni de bas kyang ches dka' ba mdzad pa'o/ /gang dag sangs rgyas kyi chos zab mo 'di dag la
50a2 mi skrag mi dngang dngang bar mi 'gyur ba de dag ni de bas kyang ches shin tu dka' ba byed pa'o/ /blo gros rgya mtsho gang dag sangs rgyas kyi chos zab mo 'di dag la skrag par mi 'gyur ba'i sems can de dag ni dge ba'i rtsa ba bskyed pa dang sngon gyi rgyal ba la bsnyen bkur byas pa yin no/ /blo gros
50a3 rgya mtsho mdo sde zab mo/ 'jig rten thams cad dang / mi 'thun pa 'di dag rig nas 'chang ba dang / 'dzin pa dang / gzhan dag la yang rgya cher yang dag par rab tu ston pa de dang de dag ni de bzhin gshegs pa'i chos kyi mdzod 'dzin pa dag go/ /sems can thams cad kyi dge ba'i
50a4 phyogs 'dzin pa dag go/ /blo gros rgya mtsho byang chub sems dpa' gang gis sangs rgyas kyi spyan gyis gzigs pa'i sangs rgyas kyi zhing tshad med pa thams cad rin po che thams cad kyis yongs su bkang ste/ de bzhin gshegs pa la mchod pa'i las kyi phyir dbul ba phul na/ blo gros rgya mtsho
50a5 'di la ji snyam du sems/ byang chub sems dpa' de gzhi de las bsod nams mang du skyed dam/ gsol pa bcom ldan 'das mang lags so/ /bde bar gshegs pa tshad ma mchis pa lags so/ /bsod nams kyi phung po de ni ji tsam du dpe bgyi bar sla ba ma lags pa de
50a6 tsam du/ bsod nams kyi phung po de tshad ma mchis par 'gyur ro/ /bcom ldan 'das kyis bka' stsal pa/ blo gros rgya mtsho khyod mos par bya'o/ /khyod kyi khong du chud par bya'o/ /gang de bzhin gshegs pa'i bstan pa kun tu bsrung ba dang / dkon mchog gsum gyi rigs
50a7 mi 'chad par bya ba'i phyir sems can thams cad la snying rje chen po bskyed nas mdo sde zab mo 'di lta bu 'di ni de bzhin gshegs pa'i ye shes sgrub par rig nas 'dzin pa dang / 'chang ba dang / kun chub par byed pa'i byang chub sems dpa' de ni de bas kyang ches bsod nams mang du skyed na
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo