| e-texts navigator |
| བོད་ཡིག |
4b1 'di ni de'i snga ltas so/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das ci lags/ byang chub sems dpa' blo gros rgya mtsho thag ring po de srid cig na mchis shing chos kyi rnam grangs 'di nyan lags sam/
4b2 bcom ldan 'das kyis bka' stsal pa/ shA ri'i bu khyod ji ltar nga'i mdun na chos kyi rnam grangs 'di nyan pa de bzhin du byang chub sems dpa' blo gros rgya mtsho yang 'jig rten gyi khams de na 'dug cing chos kyi rnam grangs 'di nyan to/ /shA ri'i bu khyod kyis ji
4b3 ltar nga dang thams cad dang ldan pa'i 'khor 'di mthong bde bzhin du/ byang chub sems dpa' blo gros rgya mtshos kyang nga dang thams cad dang ldan pa'i 'khor 'di mthong ngo / /gsol pa/ bcom ldan 'das kye ma'o ci tsam du byang chub sems dpa' sems dpa' chen
4b4 po rnams kyi mngon par shes pa'i ye shes kyi stobs 'di bsam gyis mi khyab ste/ 'di ltar thag ring po de srid na mchis kyang mig gis gzugs mthong ba la sgrib pa ma mchis shing rna bas sgra thos pa la sgrib pa ma mchis pa ni ngo mtshar to/ /bcom ldan 'das byang
4b5 chub sems dpa' sems dpa' chen po rnams kyi yon tan gyi che ba nyid bsam gyis mi khyab pa 'di thos nas su zhig bla na med pa yang dag par rdzogs pa'i byang chub tu sems mi bskyed/ gnas brtan shA ri'i bus bstan pa 'di bshad pa'i tshe lha'i bu nyi khri bzhi stong
4b6 gis bla na med pa yang dag par rdzogs pa'i byang chub tu sems bskyed do/ /de nas byang chub sems dpa' sems dpa' chen po blo gros rgya mtsho byang chub sems dpa' sems dpa' chen po bgrang ba las 'das pa dag gis kun nas bskor te mdun du bdar nas lhan cig tu/
4b7 bcom ldan 'das rgya mtsho'i mchog mnga' ba'i blos rnam par rol pa mngon par 'phags pa'i mngon par mkhyen pa'i de bzhin gshegs pa de la gsol nas/ bcom ldan 'das des gnang ste/ sangs rgyas rnam par rol pa'i rdzu 'phrul gyi rkang pa rnams dang / mngon par 'du
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo