rKTs

e-texts navigator

Volume

Page

49a₁ bstan pa 'di thos nas skrag par mi 'gyur gyi de sangs rgyas kyi chos rnams kyi ched du go cha gyon pa ni ngo mtshar to/ /smras pa tshangs pa sangs rgyas kyis byin gyis brlabs pa'i sems can rnams byang chub tu sems skyed de de dag sangs rgyas kyi chos zab mo thos nas skrag par
49a₂ mi 'gyur ro/ /tshangs pa 'dzin pa dang mngon par zhen par gyur na skrag par 'gyur gyi 'dzin pa med cing / mngon par zhen pa med na skrag par mi 'gyur ro/ /gnas dang chags par gyur na skrag par 'gyur gyi gnas med cing chags pa med na skrag par mi 'gyur ro/ /ngar 'dzin pa dang nga yir
49a₃ 'dzin par gyur na skrag par 'gyur gyi ngar 'dzin pa dang nga yir 'dzin pa dang bral na skrag par mi 'gyur ro/ /smras pa stobs gang dang ldan na byang chub sems dpa' sangs rgyas kyi chos zab mo dag la/ skrag par mi 'gyur ba byang chub sems dpa'i stobs gang yin/ smras pa tshangs pa byang chub
49a₄ sems dpa' rnams kyi stobs ni brgyad po 'di dag ste/ stobs de dag dang ldan na byang chub sems dpa' rnams sangs rgyas kyi chos zab mo dag la skrag par mi 'gyur ro/ /brgyad gang zhe na 'di lta ste/ sangs rgyas kyi chos thams cad la mos pas thogs pa med pa'i dad pa'i stobs
49a₅ dang / ston pa dang mtshungs pa'i blos gus pa las nges par byung ba dge ba'i bshes gnyen gyi stobs dang / 'jig rten las 'das pa'i chos yongs su rdzogs par byed pas thos pa las nges par byung ba shes rab kyi stobs dang / bsod nams tshad med pa yongs su rdzogs
49a₆ par byed pas/ bsod nams las nges par byung ba bsnyen bkur bya ba'i stobs dang / bdud thams cad nges par gzhom pa'i phyir tshul bzhin las nges par byung ba ye shes kyi stobs dang / chos rnams bdag med pa la dogs pa med pas byams pa chen po las nges par byung ba/
49a₇ snying rje chen po'i stobs dang / byang chub kyi sems brjed pa med pas nges par sems pa las nges par byung ba'i sems kyi stobs dang / mi skye ba'i chos la bzod pa rab tu thob pas gzhan gyi dring mi 'jog pa las nges par byung ba'i bzod pa'i stobs so/ /tshangs pa brgyad po de

_{iiif viewer powered by OpenSeadragon}

48b - 49b

Texts on this page