rKTs

e-texts navigator

Volume

Page

44b₁ gros rgya mtsho bstan pa 'di la brtson 'grus brtsams pa ni dag par 'gyur gyi le lo can ni ma yin no/ /blo gros rgya mtsho rnam grangs des na 'di ltar gang la brtson 'grus dang bag yod pa de la byang chub yod par rig par bya'o/ /bcom ldan 'das kyis brtson 'grus dang rab tu ldan
44b₂ pa'i sngon byung ba'i le'u 'di bshad pa na byang chub sems dpa' lnga stong gis mi skye ba'i chos la bzod pa rab tu thob par gyur to/ /lha dang mi'i skye dgu'i srog chags bdun stong gis bla na med pa yang dag par rdzogs pa'i byang chub tu sems bskyed do/ /de nas de'i tshe bcom ldan
44b₃ 'das kyis tshigs su bcad pa 'di dag gsungs so/ /ngas dran snga ma 'das pa'i dus na ni/ /bskal pa me tog 'byung gnas blta sdug la/ /shin tu rnam bltas 'jig rten khams mchog tu/ /brtson 'grus 'bar ba'i bde bar gshegs pa byung / /bskal pa de la rgyal
44b₄ ba gang byung ba/ /de dag brgyad khri bzhi stong tham pa'o/ /'jig rten khams ni dga' ldan gnas 'dra ste/ /mi yi bza' dang btung ba bsams pas 'byor/ /bud med yod min mngal na gnas pa min/ /sems can thams cad brdzus te skye bar gyur/ /theg pa dman pa
44b₅ grags par ma gyur te/ /thams cad bdag nyid che ba'i theg chen zhugs/ /shin tu rnam bltas 'jig rten khams blta'i phyir/ /byang chub sems dpa' phyogs bcu nas lhags pa/ /de dag dga' ba'i rnam pa'i ting 'dzin thob/ /sngon chad ma mthong ba yi bde ba myong / /rkang
44b₆ gnyis kyi ni tshogs gyur grags chen po/ /bye ba phrag ni sum cu rtsa drug yod/ /gzhan yang lha dang mi ni mang po dag /sangs rgyas theg pa mchog la zhugs par gyur/ /yon tan ye shes rgya mtsho drang srong che/ /de ni brtson 'grus bsngags pa yang yang brjod/ /de nas
44b₇ brtson 'grus brtan pa mkhas pa de/ /langs nas don 'di nyid ni rgyal la zhus/ /byang chub sems dpa' brtson 'grus brtsams gyur pa/ /ji tsam gyis ni brtson 'grus stobs la gnas/ /de don bcom ldan bdag la bshad du gsol/ /bdag ni de la rab tu nan tan

_{iiif viewer powered by OpenSeadragon}

44a - 45a

Texts on this page