rKTs

e-texts navigator

Volume

Page

44a₁ ba'i chos la bzod pa rab tu thob par gyur to/ /byang chub sems dpa' go cha sra bas bcom ldan 'das de las brtson 'grus bstan pa de thos nas dge ba'i chos yongs su btsal ba la mngon par brtson te/ brtson 'grus brtsams nas gnas par gyur
44a₂ to/ /de brtson 'grus brtsams te gces pa ma bor bar lo bye ba 'das pa dang chung ngu'i rjes su 'thun pa'i bzod pa rab tu thob bo/ /de brtson 'grus brtsams te dge ba'i chos yongs su btsal ba la mngon par brtson pas 'dug bzhin du 'chi ba'i dus byas so/ /de shi 'phos nas de
44a₃ bzhin gshegs pa de nyid kyi spyan sngar brdzus te skyes par gyur nas des yang de bzhin gshegs pa de las 'dus pa chen po'i le'u yi chos kyi rnam grangs 'di thos par gyur to/ /de yang chos yongs su btsal ba la mngon par brtson pas 'dug bzhin du 'chi ba'i dus byas par gyur to/ /
44a₄ blo gros rgya mtsho byang chub sems dpa' des rnam grangs 'dis sangs rgyas brgyad khri bzhi stong de dag mnyes par byed cing / gang dag bskal pa me tog gi 'byung gnas de la byung ba thams cad las brtson 'grus brtsams te/ dge ba'i chos yongs su btsal ba la mngon par brtson
44a₅ par gyur nas 'dug bzhin du 'chi ba'i dus byas par gyur to/ /blo gros rgya mtsho de'i tshe de'i dus na byang chub sems dpa' go cha sra ba zhes bya bar gyur pa de gzhan zhig yin pa snyam du khyod som nyi'am yid gnyis sam the tshom za bar gyur na khyod kyis de ltar mi blta'o/ /de ci'i phyir
44a₆ zhe na/ blo gros rgya mtsho nga nyid de'i tshe de'i dus na byang chub sems dpa' go cha sra ba zhes bya bar gyur to/ /blo gros rgya mtsho ngas brtson 'grus 'di 'dra bas byang chub sems dpa' brgya stong phrag mang po dag phyir bsnyil to/ /blo gros rgya mtsho ngas de tsam du brtson 'grus brtsams pa de lta bu de
44a₇ dang tshegs de lta bus/ byang chub mngon par rdzogs par sangs rgyas pa la ltos/ gang dag le lo can dang brtson 'grus dman par gyur pa rnams la lta smos kyang ci dgos/ de dag la byang chub yod par ga la 'gyur te de dag la byang chub shin tu ring zhing rnam par ring ngo / /blo

_{iiif viewer powered by OpenSeadragon}

43b - 44b

Texts on this page