rKTs

e-texts navigator

Volume

Page

43a₁ pa'o/ /sgrub pa ni 'gog pa mngon sum du byed pa'o/ /gzhan yang rtsom pa ni lus la zhugs pa'i dran pa'o/ /rtul ba ni tshor ba la zhugs pa'i dran pa'o/ /so sor rtog pa ni sems la zhugs pa'i dran pa'o/ /sgrub pa ni chos la zhugs pa'i dran
43a₂ pa'o/ /gzhan yang rtsom pa ni dad pa'o/ /rtul ba ni brtson 'grus so/ /so sor rtog pa ni dran pa dang ting nge 'dzin to/ /sgrub pa ni shes rab bo/ /gzhan yang rtsom pa ni mi dge ba'i chos spong ba'o/ /rtul ba ni dge ba'i chos yongs su rdzogs par byed pa'o/ /
43a₃ so sor rtog pa ni lus dang sems las su rung bar byed pa'o/ /sgrub pa ni mngon par 'du bya ba med pa'i rdzu 'phrul rab tu thob par byed pa'o/ /gzhan yang rtsom pa ni byang chub kyi yan lag rnams la'o/ /rtul ba ni lam la'o/ /so sor rtog pa ni zhi gnas dang lhag mthong
43a₄ la'o/ /sgrub pa ni rig pa dang rnam par grol ba la'o/ /gzhan yang rtsom pa ni 'jug pa'i spyod pa'o/ /rtul ba ni dkar po rnam par mthong ba'i spyod pa'o/ /so sor rtog pa ni sems shin tu sbyangs pa'o/ /sgrub pa ni phyir mi ldog pa'i ye shes so/ /blo gros rgya mtsho gzhan
43a₅ yang bcom ldan 'das de bzhin gshegs pa brtson 'grus 'bar ba des/ byang chub sems dpa' go cha sra ba la 'di skad ces bka' stsal to/ /rigs kyi bu brtson 'grus de ni gang lus dang sems yongs su sbyangs pa'o/ /brtson 'grus de ni gang rgyu dang lta ba dang bral ba'o/ /brtson
43a₆ 'grus de ni gang ming dang gzugs yongs su shes pa'o/ /brtson 'grus de ni gang ngar 'dzin pa dang / nga yir 'dzin pa 'gog pa'o/ /brtson 'grus de ni gang 'dzin pa dang / 'ching ba 'dor ba'o/ /brtson 'grus de ni gang sgrib pa rnams dang kun nas ldang ba rnams rnam par
43a₇ sel ba'o/ /brtson 'grus de ni gang 'gyod pa dang the tsom spong ba'o/ /brtson 'grus de ni gang mdud pa rnams dang zug rngu rnams yang dag par sel ba'o/ /brtson 'grus de ni gang dmigs pa dang / rgyun chad pa las shin tu 'da' ba'o/ /brtson 'grus de ni gang nga rgyal dang

_{iiif viewer powered by OpenSeadragon}

42b - 43b

Texts on this page