rKTs

e-texts navigator

Volume

Page

42b₁ so sor rtog pa ni dge ba ci zhes tshol ba'o/ /sgrub pa ni gzhan la rag ma lus par ye shes rab tu thob pa'o/ /gzhan yang rtsom pa ni dgon pa la gnas pa'o/ /rtul ba ni 'du 'dzi la mi dga' ba'o/ /so sor rtog pa ni dben par gnas pa la dga' ba'o/ /sgrub pa ni
42b₂ nyon mongs pa med par gnas pa'o/ /gzhan yang rtsom pa ni 'dod pa chung ba'o/ /rtul ba ni chog shes pa'o/ /so sor rtog pa ni dgang sla ba'o/ /sgrub pa ni rung ba la tshod shes pa'o/ /gzhan yang rtsom pa ni lhag pa'i tshul khrims la slob pa'o/ /rtul ba ni tshul khrims mi
42b₃ lhod pa'o/ /so sor rtog pa ni lhag pa'i sems la slob pa'o/ /sgrub pa ni lhag pa'i shes rab la slob pa'o/ /gzhan yang rtsom pa ni sbyin pa'i pha rol tu phyin pa dang / tshul khrims kyi pha rol tu phyin pa'o/ /rtul ba ni bzod pa'i pha rol tu phyin pa dang / brtson 'grus kyi pha
42b₄ rol tu phyin pa'o/ /so sor rtog pa ni bsam gtan gyi pha rol tu phyin pa dang / shes rab kyi pha rol tu phyin pa'o/ /sgrub pa ni ye shes kyi pha rol tu phyin pa dang / thabs la mkhas pa'i pha rol tu phyin pa'o/ /gzhan yang rtsom pa ni sbyin pa'o/ /rtul ba ni snyan par smra
42b₅ ba'o/ /so sor rtog pa ni don byed pa'o/ /sgrub pa ni don 'thun pa'o/ /gzhan yang rtsom pa ni byams pa chen po'o/ /rtul ba ni snying rje chen po'o/ /so sor rtog pa ni dga' ba chen po'o/ /sgrub pa ni btang snyoms chen po'o/ /gzhan yang rtsom pa ni zhing yongs su dag par
42b₆ byed pa'o/ /rtul ba ni mtshan dang dpe byad bzang po yongs su rdzogs par byed pa'o/ /so sor rtog pa ni dam pa'i chos yongs su 'dzin pa'o/ /sgrub pa ni sems can yongs su smin par byed pa'o/ /gzhan yang rtsom pa ni phung po'i bdud yongs su shes pa'o/ /rtul ba ni nyon
42b₇ mongs pa'i bdud las shin tu 'da' ba'o/ /so sor rtog pa ni 'chi bdag gi bdud rnam par spong ba'o/ /sgrub pa ni lha'i bu'i bdud pham par byed pa'o/ /gzhan yang rtsom pa ni sdug bsngal yongs su shes pa'o/ /rtul ba ni kun 'byung ba spong ba'o/ /so sor rtog pa ni lam sgom

_{iiif viewer powered by OpenSeadragon}

42a - 43a

Texts on this page