rKTs

e-texts navigator

Volume

Page

42a₁ sgrub pa ni tshul khrims kyi yon tan gyis rlom sems su mi byed pa'o/ /gzhan yang rtsom pa ni lus yongs su dag pa'o/ /rtul ba ni ngag yongs su dag pa'o/ /so sor rtog pa ni sems yongs su dag pa'o/ /sgrub pa ni chos yongs su dag pa'o/ /
42a₂ gzhan yang rtsom pa ni gnod sems kyi sems kyi skabs med pa'o/ /rtul ba ni bzod pa'i stobs rnams rnam par rig pa'o/ /so sor rtog pa ni bdag dang gzhan srung ba'o/ /sgrub pa ni bzod pa'i rlom sems su mi byed pa'o/ /gzhan yang rtsom pa ni gshe ba dang /
42a₃ sdang ba dad par byed pa'o/ /rtul ba ni gshe ba dang sdang ba 'dris par mi byed pa'o/ /so sor rtog pa ni nang yongs su gdung ba med par byed pa'o/ /sgrub pa ni bdag dang gzhan mi dmigs pa'o/ /gzhan yang rtsom pa ni le lo'i dri ma sel ba'o/ /rtul ba ni brtson 'grus kyi dri
42a₄ ma las dben pa'o/ /so sor rtog pa ni sems can le lo can yongs su smin par byed pa'o/ /sgrub pa ni de'i bya ba byed pa'o/ /gzhan yang rtsom pa ni bya ba yang dag par sgrub pa'o/ /rtul ba ni bya ba nyams 'og tu chud par byed pa'o/ /so sor rtog pa ni theg pa gzhan la mi re
42a₅ ba'o/ /sgrub pa ni las kyi rnam par smin pa chud mi gzon pa'o/ /gzhan yang rtsom pa ni dran pa'o/ /rtul ba ni rtogs pa'o/ /so sor rtog pa ni blo gros so/ /sgrub pa ni mos pa'o/ /gzhan yang rtsom pa ni rig pa'o/ /rtul ba ni tshul lo/ /so sor rtog pa ni sgo'o/ /
42a₆ sgrub pa ni 'byung ba'o/ /gzhan yang rtsom pa ni tshig 'bru kun chub par byed pa'o/ /rtul ba ni tshig 'bru 'dzin pa'o/ /so sor rtog pa ni tshig 'bru sel ba'o/ /sgrub pa ni chos brjod du med par rtogs pa'o/ /gzhan yang rtsom pa ni dge ba'i bshes gnyen la rten pa'o/ /rtul ba
42a₇ ni sdig pa'i grogs po yongs su spong ba'o/ /so sor rtog pa ni mdza' ba dang mi mdza' ba rnams la sems snyoms pa'o/ /sgrub pa ni ji skad smras pa'i tshig dang mi 'gal bar byed pa'o/ /gzhan yang rtsom pa ni rab tu byung ba'i sems so/ /rtul ba ni dga' ba dang mi dga' ba la mi lta ba'o/ /

_{iiif viewer powered by OpenSeadragon}

41b - 42b

Texts on this page