rKTs

e-texts navigator

Volume

Page

41a₁ rin po che sna bdun phrag stong gnas par gyur to/ /rin po che'i shing ljon pa dang / rin po che'i khang pa brtsegs pa rnams kyis kyang kun tu gsal bar gyur to/ /'jig rten gyi khams de na bud med kyi bag med par gyur cing mngal na gnas pa med de sems
41a₂ can de dag thams cad kyang pad ma rnams la skyil mo krung bcas te 'khod par brdzus te byung ngo / /'jig rten gyi khams de na theg pa chen po ma gtogs par theg pa gzhan rnam par gzhag pa med par gyur to/ /lha dang mi de dag kyang yongs su spyad pa dag ni dga' ldan gyi lha dang
41a₃ 'dra bar bza' ba dang btung ba yang bsams pas 'byor pa/ mngon par shes pas rnam par rtsen pa/ nam mkha' la rgyu ba dag go/ /bcom ldan 'das de bzhin gshegs pa brtson 'grus 'bar ba'i byang chub sems dpa'i dge 'dun ni byang chub sems dpa' sems dpa'
41a₄ chen po rab tu byung bar gyur pa'i byang chub sems dpa' bye ba phrag sum cu rtsa drug tu gyur to/ /de na khyim pa dang rab tu byung ba tshad med pa dag kyang theg pa chen po la yang dag par zhugs par gyur pa dag go/ /blo gros rgya mtsho bcom ldan 'das de bzhin gshegs pa brtson 'grus
41a₅ 'bar ba de yang byang chub sems dpa' de dag la skyes bu dam pa khyod kyis brtson 'grus rtsoms shig / khyod rtag tu rtul ba brtan pa dang / 'dun pa drag por gyis shig /rtag tu gces pa ma 'dor cig ces brtson 'grus dang ldan pa'i gtam nyid rgya cher yang dag par rab tu
41a₆ ston to/ /blo gros rgya mtsho de'i tshe de'i dus na byang chub sems dpa' sems dpa' chen po go ca sra ba zhes bya ba byang chub sems dpa'i 'khor der 'dus par gyur pa des/ bcom ldan 'das la 'di skad ces gsol to/ /bcom ldan 'das ji ltar na byang chub sems dpa' brtson
41a₇ 'grus brtsams pa lags/ de bzhin gshegs pas byang chub sems dpa' rnams la gnang ba'i brtson 'grus ni gang lags/ de skad ces gsol pa dang / blo gros rgya mtsho/ bcom ldan 'das de bzhin gshegs pa brtson 'grus 'bar ba des/ byang chub sems

_{iiif viewer powered by OpenSeadragon}

40b - 41b

Texts on this page