rKTs

e-texts navigator

Volume

Page

3b₁ mdzad do/ /yang dag par rab tu ston to/ /de nas bcom ldan 'das kyis don shin tu rnam par nges pa 'dus pa chen po'i le'u'i chos kyi rnam grangs 'di lta bu rgya cher yang dag par rab tu bstan pas thams cad dang ldan pa'i stong gsum gyi stong chen po'i 'jig rten gyi khams 'og tu sa'i
3b₂ steng nas bzung ba yan cad rin po che bkod pa'i 'khor gyi khyams kyi gzhi la thug pa'i bar dag tu chus yongs su gang ba'i rgya mtsho gcig ltar kun tu snang ste/ 'di lta ste dper na/ bsreg pa'i bskal pa 'das nas chags pa 'byung ba'i tshe stong gsum gyi stong chen po'i 'jig rten gyi khams 'di
3b₃ thams cad chus yongs su gang bar 'gyur te/ chu'i dkyil 'khor gyis yongs su 'khor ba de bzhin du/ de'i tshe stong gsum gyi stong chen po'i 'jig rten gyi khams thams cad chus yongs su gang ba'i rgya mtsho gcig lta bur gnas par kun tu snang yang stong gsum gyi stong chen po'i
3b₄ 'jig rten gyi khams na grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor rnams la yang sgrib pa med par kun tu snang ngo / /'dzam bu'i gling rnams dang / gling bzhi pa chen po rnams dang / rgya mtsho chen po rnams dang /
3b₅ ri rab rnams dang / 'dod pa na spyod pa'i lha'i bu rnams la yang sngon ji ltar phyis kyang de bzhin du sgrib pa ci yang med par de kho na bzhin du kun du snang ngo / /chu'i phung po de las kyang pad ma chu ba ni bai dUr+ya/ sdong bu ni an da rnyil/ lo ma ni 'dzam bu'i chu bo'i gser/ ze ba ni dpal
3b₆ gyi snying po/ snying po ni rdo'i snying po las grub pa/ mu tig gi dra bas ni khebs par byas pa/ 'dab ma bye ba khrag khrig brgya stong phrag du ma dang ldan pa/ tshad ni rgyang grags kyi khyon tsam yod pa bye ba khrag khrig brgya stong phrag mang po byung ste/ de dag rin po che'i bkod pa'i 'khor gyi khyams kyi gzhi
3b₇ las thal nas shing ta la'i srid du 'phags te/ thams cad dang ldan pa'i 'khor de yang de'i tshe pad ma la 'khod par kun tu snang ngo / /pad ma de dag las kyang 'od gang dag gis phyogs bcu'i sangs rgyas kyi zhing tshad med grangs med pa dag snang ba chen pos khyab par gyur pa'i 'od

_{iiif viewer powered by OpenSeadragon}

3a - 4a

Texts on this page