| e-texts navigator |
| བོད་ཡིག |
37b1 chu bo'i gser byung ba der rin po che thams cad mog mog por 'gyur ro/ /sha ra dwa ti'i bu de bzhin du gang du byang chub sems dpa' rin po che byung ba der/ nyan thos dang rang sangs rgyas thams cad mog mog por 'gyur ro/ /sha ra dwa ti'i bu 'di lta ste dper na/ gang gi tshe 'khor los sgyur ba'i
37b2 rgyal po byung ba de'i tshe/ rgyal phran thams cad de la phyag 'tshal lo/ /sha ra dwa ti'i bu de bzhin du gang gi tshe chos kyi rgyal po'i bu byang chub tu sems bskyed pa de'i tshe/ lha dang mi dang / lha ma yin du bcas pa'i 'jig rten gyis phyag bya bar 'gyur ro/ /sha ra dwa ti'i bu
37b3 'di lta ste dper na/ bsod nams ma byas pa'i sems can rnams la dbyig gi char mi 'bab po/ /sha ra dwa ti'i bu de bzhin du dge ba'i rtsa ba ma bskyed pa'i sems can rnams la byang chub kyi sems mi skye'o// //'phags pa blo gros rgya mtshos zhus
37b4 pa/ bam po bzhi pa/ sha ra dwa ti'i bu 'di lta ste dper na/ bu ram shing gi sa bon med par sha kha ra mi 'byung ngo / /sha ra dwa ti'i bu de bzhin du byang chub sems dpa' yang byang chub kyi sems kyi sa bon med par bla na med par yang dag par rdzogs pa'i byang chub mi 'grub
37b5 bo/ /sha ra dwa ti'i bu 'di lta ste dper na/ sman gyi rgyal po 'tsho byed kyis gang sman du mi mthong ba'i gzugs su snang ba de gang yang med do/ /sha ra dwa ti'i bu de bzhin du shes rab kyi pha rol tu phyin pa la spyod pa'i byang chub sems dpas kyang gang byang chub tu mi mthong ba'i chos su snang ba
37b6 de gang yang med do/ /sha ra dwa ti'i bu 'di lta ste dper na/ lha ma yin gyi dbang po sgra gcan gyis nyi ma dang zla ba'i gzhal med khang gi lam gyi rim pa rgyun gcod par mi nus so/ /sha ra dwa ti'i bu de bzhin du bdud thams cad kyis kyang byang chub sems dpa' brtson 'grus brtsams pa'i byang
37b7 chub kyi lam kun tu gcod par mi nus so/ /sha ra dwa ti'i bu 'di lta ste dper na/ gzugs na spyod pa'i lha'i bu rnams ni nam mkha' la gzhal med khang na gnas so/ /sha ra dwa ti'i bu de bzhin du zab mo la spyod pa'i byang chub sems dpa' rnams la yang chos thams cad nam
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo