rKTs

e-texts navigator

Volume

Page

37a₁ pa de dag la tshul bzhin du nye bar brtags na shes rab kyi rgyur 'gyur ro/ /gal te byang chub sems dpa' rang gi nyon mongs pa med par bya bar 'dod cing sems can thams cad kyi nyon mongs pa rnams kyis g.yel na de myur du nyan thos kyi sa 'am rang sangs
37a₂ rgyas kyi sar ltung bar 'gyur ro/ /sha ra dwa ti'i bu khyod kyis rnam grangs 'dis 'di ltar rig par bya ste/ ji lta ji ltar byang chub sems dpa' sems can thams cad kyi nyon mongs pa la tshul bzhin yid la byed pas yang dag pa ji lta ba bzhin du so sor rtog pa de lta de ltar shin
37a₃ tu stobs dang ldan par 'gyur te/ gal te de lta bu thos nas mi skrag na thabs la mkhas pa'i byang chub sems dpa' rig par bya'o/ /sha ra dwa ti'i bu 'di lta ste dper na sbrul gdug pa'i phru gu ni grogs mi dgos par za'o/ /sha ra dwa ti'i bu de bzhin du byang chub sems dpa'
37a₄ las dang po pa yang grogs mi dgos par byang chub kyi yan lag rnams yang dag par sdud de/ gcig pu gnyis su med par byang chub kyi yan lag rnams yang dag par sdud do/ /sha ra dwa ti'i bu 'di lta ste dper na/ srin bu me khyer brgya stong gis kyang nyi ma'i 'od zil gyis
37a₅ gnon mi nus so/ /sha ra dwa ti'i bu de bzhin du/ nyon mongs pa thams cad kyis kyang byang chub sems dpa'i shes rab kyi 'od zil gyis gnon mi nus so/ /sha ra dwa ti'i bu 'di lta ste dper na/ dug gi gnyen po nad med par byed pa chung ngus kyang dug shin tu mang po zhi bar
37a₆ byed do/ /sha ra dwa ti'i bu de bzhin du byang chub sems dpa'i shes rab kyi nad med pa chung ngus kyang nyon mongs pa'i dug mang po shin tu zhi bar byed do/ /sha ra dwa ti'i bu 'di lta ste dper na/ bar snang las ro gcig pa'i chu'i rgyun 'bab pa bab nas snod kyi bye brag gis ro bro ba tha
37a₇ dad du 'gyur ro/ /sha ra dwa ti'i bu de bzhin du byang chub sems dpa' yang rnam par grol ba'i ye shes ro gcig pa yang dag par bsgrubs te/ sems can gyi dbang po tha dad pa rnams la chos bstan pa tha dad pa ston to/ /sha ra dwa ti'i bu 'di lta ste dper na/ gang du 'dzam bu'i

_{iiif viewer powered by OpenSeadragon}

36b - 37b

Texts on this page