| e-texts navigator |
| བོད་ཡིག |
36a1 de la byang chub sems dpa' shes pa 'jug pa bsam gyis mi khyab pa la zhugs nas sems can bsam gyis mi khyab pa rnams kyi spyod pa 'jug pa bsam gyis mi khyab pa la 'jug par nus so/ /blo gros rgya mtsho 'di lta ste dper na/ kun nas zhags
36a2 pa zhes bya ba'i dra ba der skyes bu zhig bcug par gyur la/ skyes bu des zhags pa thams cad las 'byin pa zhes bya ba'i sngags kyi rig pa'i stobs bskyed na dra ba der bcug ma thag tu sngags kyi rig pa'i stobs kyis zhags pa'i 'ching ba thams cad bcad nas gang dga' ba der
36a3 'gro'o/ /blo gros rgya mtsho de bzhin du thabs la mkhas pa'i byang chub sems dpa' yang sems can thams cad kyi bsam pa la zhugs nas/ shes rab kyi pha rol tu phyin pa'i sngags kyi rig pa'i stobs kyis sems can de dag thams cad kyi nyon mongs pa'i 'ching ba thams
36a4 cad gcod de/ sangs rgyas kyi ye shes de la ma reg kyang sangs rgyas kyi mdzad pas sems can rnams la nye bar gnas pa yin no/ /de nas bcom ldan 'das la tshe dang ldan pa sha ra dwa ti'i bus 'di skad ces gsol to/ /bcom ldan 'das ji tsam du sems
36a5 can gyi spyod pa tshad ma mchis pa dang / ji tsam du sangs rgyas kyis mkhyen pa bsam gyis mi khyab pa ngo mtshar to/ /bcom ldan 'das gang gi tshe byang chub sems dpa' las dang po pas sems can gyi spyod pa tshad ma mchis pa dang / sangs rgyas kyi mkhyen pa tshad ma
36a6 mchis pa 'di dag thos nas mi skrag mi dngang dngang bar mi 'gyur ba 'di ni bdag la shin tu ngo mtshar du gda'o/ /de skad ces gsol pa dang / bcom ldan 'das kyis tshe dang ldan pa sha ra dwa ti'i bu la 'di skad ces bka' stsal to/ /sha ra dwa ti'i bu 'di ji snyam du sems/
36a7 seng ge'i phrug gus seng ge'i sgra thos na skrag pa'am dngang ba'am/ kun tu dngang bar 'gyur ram/ gsol pa bcom ldan 'das de ni ma lags so/ /bcom ldan 'das kyis bka' stsal pa/ sha ra dwa ti'i bu de bzhin du byang chub sems dpa' las dang po pa yang de bzhin
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo