rKTs

e-texts navigator

Volume

Page

34b₁ can la phyis gti mug can dang / sngar gti mug can la phyis zhe sdang can dang / sngar gti mug can la phyis 'dod chags can dang / sngar 'dod chags can la phyis gti mug can dang / sngar 'dod chags dang zhe sdang can la phyis gti mug can dang / sngar zhe sdang dang
34b₂ gti mug can la phyis 'dod chags can dang / sngar gti mug dang 'dod chags can la phyis zhe sdang can gyi sems can dag kyang yod do/ /blo gros rgya mtsho gzugs la 'dod chags can la sgra la zhe sdang can dang / sgra la 'dod chags can la gzugs la zhe sdang can dang / dri
34b₃ la 'dod chags can la ro la zhe sdang can dang / ro la 'dod chags can la dri la zhe sdang can dang / reg pa la 'dod chags can la chos la zhe sdang can dang / chos la 'dod chags can la reg pa la zhe sdang can gyi sems can dag kyang yod do/ /blo gros rgya mtsho gzugs las
34b₄ dben pas 'dul bar 'gyur gyi sgra las dben pas ni ma yin pa'i sems can dag kyang yod/ sgra las dben pas 'dul bar 'gyur gyi gzugs las dben pas ma yin pa dag kyang yod/ dri las dben pas 'dul bar 'gyur gyi ro las dben pas ni ma yin pa dag kyang yod/
34b₅ ro las dben pas 'dul bar 'gyur gyi dri las dben pas ma yin pa dag kyang yod/ reg pa las dben pas 'dul bar 'gyur gyi/ chos las dben pas ma yin pa dag kyang yod/ chos las dben pas 'dul bar 'gyur gyi reg pa las dben pas ma yin pa dag kyang yod
34b₆ do/ /blo gros rgya mtsho lus dben pas 'dul bar 'gyur gyi sems dben pas mu yin pa'i sems can dag kyang yod/ sems dben pas 'dul bar 'gyur gyi lus dben pas ma yin pa dag kyang yod/ lus dben pa dang sems dben pas 'dul bar 'gyur ba dag
34b₇ kyang yod/ lus dben pa dang sems dben pas 'dul bar 'gyur ba ma yin pa dag kyang yod do/ /blo gros rgya mtsho mi rtag pa'i sgras 'dul bar 'gyur gyi sdug bsngal dang bdag med pa dang zhi ba'i sgra rnams kyis ma yin pa'i sems can dag kyang yod/ sdug

_{iiif viewer powered by OpenSeadragon}

34a - 35a

Texts on this page