| e-texts navigator |
| བོད་ཡིག |
33a1 pas nyon mongs pa'i bdud kyis skabs mi rnyed do/ /chos thams cad smon pa med par som nyi med pas 'chi bdag gi bdud kyis skabs mi rnyed do/ /chos thams cad la mngon par 'du bya ba med par the tshom med la dge ba'i rtsa ba mngon par 'du bya bas
33a2 kyang mi ngoms pas lha'i bu'i bdud kyis skabs mi rnyed do/ /blo gros rgya mtsho gzhan yang gang gi tshe byang chub sems dpa' lus la lus kyi rjes su lta ba'i dran pa nye bar gzhag pa sgom zhing / lus dang lhan cig song ba'i rnam par rtog pas kyang rnam par mi rtog pa de'i tshe phung
33a3 po'i bdud yang dag par 'joms so/ /gang gi tshe tshor ba rnams la tshor ba'i rjes su lta ba'i dran pa nye bar gzhag pa sgom zhing / tshor ba dang lhan cig song ba'i rnam par rtog pas kyang rnam par mi rtog pa de'i tshe nyon mongs pa'i bdud yang dag par 'joms so/ /gang
33a4 gi tshe sems la sems kyi rjes su lta ba'i dran pa nye bar gzhag pa sgom zhing / sems dang lhan cig song ba'i rnam par rtog pas kyang rnam par mi rtog pa de'i tshe 'chi bdag gi bdud yang dag par 'joms so/ /gang gi tshe chos rnams la chos kyi rjes su lta ba'i dran pa nye bar gzhag
33a5 pa sgom zhing chos dang / lhan cig song ba'i rnam par rtog pas kyang rnam par mi rtog la byang chub kyi bsam pa yang 'khrugs par mi byed pa de'i tshe lha'i bu'i bdud yang dag par 'joms so/ /blo gros rgya mtsho bdud kyi las 'di dag thams cad ni bdag gis kun nas ldang bas kun
33a6 nas langs pa dag ste/ de la byang chub sems dpa' bdag gis kun nas ldang ba kun nas langs par mi byed do/ /bdag gang yin pa de ni bdag ma yin zhing bdag med pa ste de la chos gang gis kun nas ldang ba yang med do/ /de de ltar so sor rtog pa'i ye shes kyis rig
33a7 nas gang gi tshe sems can mi shes pa rnams kyi ched du theg pa chen po'i go cha gyon par byed pa de'i tshe bdag tu sgro 'dogs pa dang / gzhan du sgro 'dogs pa'i phyir go cha mi gyon no/ /go cha bgos nas kyang ji ltar na bdag gi go cha 'di don yod par 'gyur snyam du dpyod de/ de
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo