| e-texts navigator |
| བོད་ཡིག |
32b1 do/ /blo gros rgya mtsho gzhan yang byang chub sems dpa' bdag mi dmigs par bzod pa sgom pas phung po'i bdud tshar gcod do/ /sems can mi dmigs par bzod pa sgom pas nyon mongs pa'i bdud tshar gcod do/ /'khor ba mi dmigs par bzod pa sgom pas 'chi bdag gi bdud tshar gcod do/ /mya ngan las
32b2 'das pa mi dmigs par bzod pa sgom pas lha'i bu'i bdud tshar gcod do/ /blo gros rgya mtsho gzhan yang byang chub sems dpa' lus dben par brtson 'grus rtsom pas phung po'i bdud las shin tu 'da'o/ /sems dben par brtson 'grus rtsom pas nyon mongs pa'i bdud las shin tu 'da'o/ /skye ba med
32b3 pa dang 'byung ba med par brtson 'grus rtsom pas 'chi bdag gi bdud las shin tu 'da'o/ /'khor bas yongs su mi skyo bas sems can yongs su smin par bya ba dang / dam pa'i chos yongs su gzung ba'i phyir brtson 'grus rtsom pas lha'i bu'i bdud las shin tu 'da'o/ /
32b4 blo gros rgya mtsho gzhan yang byang chub sems dpa' phung po la mi gnas par bsam gtan byed pas phung po'i bdud las shin tu 'da'o/ /khams la mi gnas par bsam gtan byed pas nyon mongs pa'i bdud las shin tu 'da'o/ /skye mched la mi gnas par bsam gtan
32b5 byed pas 'chi bdag gis bdud las shin tu 'da'o/ /bsam gtan gyi yan lag de dag byang chub tu yongs su sngo bar byed pas lha'i bu'i bdud las shin tu 'da'o/ /blo gros rgya mtsho gzhan yang byang chub sems dpa' shes rab kyis phung po la mkhas par gyur pas phung
32b6 po'i bdud las rgyal lo/ /shes rab kyis khams la mkhas par gyur pas nyon mongs pa'i bdud las rgyal lo/ /shes rab kyis skye mched la mkhas par gyur pas 'chi bdag gi bdud las rgyal lo/ /shes rab kyis rten cing 'brel bar 'byung ba la mkhas par gyur
32b7 pas yang dag pa'i mtha' yang mngon sum mi byed pas lha'i bu'i bdud las rgyal lo/ /blo gros rgya mtsho gzhan yang byang chub sems dpa' chos thams cad la stong par mos pas phung po'i bdud kyis skabs mi rnyed do/ /chos thams cad la mtshan ma med par yid ches
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo