| e-texts navigator |
| བོད་ཡིག |
32a1 bu'i bdud 'joms so/ /gzhan yang 'du byed thams cad la sdug bsngal du so sor rtog pas phung po'i bdud 'joms so/ /'du byed thams cad la mi rtag par so sor rtog pas nyon mongs pa'i bdud 'joms so/ /chos thams cad la bdag med par so
32a2 sor rtog pas 'chi bdag gi bdud 'joms so/ /mya ngan las 'das pa la zhi bar so sor rtog pas lha'i bu'i bdud 'joms so/ /blo gros rgya mtsho gzhan yang gang gi tshe byang chub sems dpa' nang gi nyon mongs pa'i dri ma spangs te byang chub kyi sems ma brjed par
32a3 sbyin pa byin nas/ thams cad mkhyen pa nyid du yongs su sngo bar byed pa de'i tshe phung po'i bdud tshar gcod pa yin no/ /gang gi tshe lus la mi lta zhing lus la ma chags par sbyin pa byin nas rnam pa thams cad mkhyen pa nyid du yongs su sngo bar byed pa de'i tshe nyon mongs pa'i
32a4 bdud tshar gcod pa yin no/ /gang gi tshe kye ma longs spyod 'di dag ni mi rtag pa thun mong ba ste/ de dag las bdag gis snying po blangs par 'gyur ro snyam ste sbyin pa byin nas thams cad mkhyen pa nyid du yongs su sngo bar byed pa de'i tshe 'chi bdag gi bdud tshar gcod
32a5 pa yin no/ /gang gi tshe sems can thams cad la snying rje chen po bskyed nas/ sems can thams cad bsdu ba'i phyir rab tu thar bar bya ba'i blos sbyin pa byin nas thams cad mkhyen pa nyid du yongs su sngo bar byed pa de'i tshe/ lha'i bu'i bdud tshar gcod pa yin no/ /blo
32a6 gros rgya mtsho gzhan yang byang chub sems dpa' srid par 'gro ba'i skye ba la mngon par 'dod pa med par tshul khrims srung bas phung po'i bdud tshar gcod do/ /bdag med par lta ba la gnas te tshul khrims srung bas nyon mongs pa'i bdud tshar gcod do/ /tshul khrims
32a7 yongs su dag ste rga shi las bzla ba'i phyir tshul khrims srung bas 'chi bdag gi bdud tshar gcod do/ /bdag gis tshul khrims 'chal pa'i sems can rnams 'phags pa'i tshul khrims la rab tu dgod par bya'o snyam ste/ tshul khrims srung bas lha'i bu'i bdud tshar gcod
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo