| e-texts navigator |
| བོད་ཡིག |
31b1 de dag ni mchod pa mchog gis de bzhin gshegs pa la mchod par byed pa dag ste/ de dag ni ring po mi thogs pa shin tu dkar ba dri ma med pa'i phyag rgya'i ting nge 'dzin 'di thob par 'gyur ro/ /de dag ni theg pa chen po 'dir nges par byas pa dag go/ /de dag ni chos kyi gru chen
31b2 po yang dag par sbyar ba dag go/ /de dag ni sems can tshad med pa dag 'khor ba'i chu bo chen po las sgrol bar 'gyur ba dag go/ /de dag ni yang bdud kyi yul du brjod pa ma yin pa dag go/ /skyes bu dam pa de dag ni bdud dang phyir rgol ba bcom pa dag go/ /ting nge
31b3 'dzin bstan pa'i le'u ste/ gsum pa'o// //de nas bcom ldan 'das la byang chub sems dpa' sems dpa' chen po blo gros rgya mtshos 'di skad ces gsol to/ /bcom ldan 'das ji ltar na byang chub sems dpa' bdud phyir rgol ba bcom pa lags/
31b4 bcom ldan 'das kyis bka' stsal pa/ blo gros rgya mtsho gang gi tshe/ byang chub sems dpa' sems dpa' chen po yongs su 'dzin pa thams cad don du mi gnyer ba de'i tshe bdud phyir rgol ba bcom pa yin no/ /gang gi tshe mtshan ma dang dmigs pa thams cad don du mi gnyer ba
31b5 de'i tshe bdud phyir rgol ba bcom pa yin no/ /blo gros rgya mtsho bdud ni bzhi po 'di dag ste/ bzhi gang zhe na/ phung po'i bdud dang / nyon mongs pa'i bdud dang / 'chi bdag gi bdud dang / lha'i bu'i bdud de bzhi po 'di dag ni bdud do/ /de la sgyu ma'i chos su so sor
31b6 rtog pas phung po'i bdud 'joms so/ /stong pa nyid nges par sems pa la so sor rtog pas nyon mongs pa'i bdud 'joms so/ /skye ba med pa dang 'byung ba med par so sor rtog pas 'chi bdag gis bdud 'joms so/ /nga rgyal gyis sgro btags pa thams cad 'gog par 'gyur
31b7 ba'i lam gyis lha'i bu'i bdud 'joms so/ /gzhan yang sdug bsngal yongs su shes pas phung po'i bdud 'joms so/ /kun 'byung ba spong bas nyon mongs pa'i bdud 'joms so/ /'gog pa mngon sum du byed pas 'chi bdag gi bdud 'joms so/ /lam sgom pas lha'i
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo