| e-texts navigator |
| བོད་ཡིག |
31a1 par 'du bya ba med pa zhes bya'o/ /mngon par 'du bya ba med pa gang yin pa de 'dus ma byas te/ de la ni skye ba med/ 'jig pa med/ gnas pa med do/ /gang la skye ba med/ 'jig pa med/ gnas pa med pa de dag gnas med pa'o/ /gang la
31a2 gnas de med ce na/ mngon par 'du bya ba thams cad la gnas de med de/ de'i phyir gnas de med pa zhes bya'o/ /de la ni gzugs la song ba'i rnam par shes pa mi gnas/ tshor ba la song ba dang / 'du shes la song ba dang / 'du byed la song ba dang / rnam par shes
31a3 pa la song ba'i rnam par shes pa mi gnas so/ /rnam par shes pa mi gnas pa gang yin pa de ye shes dang ldan pa'o/ /ye shes dang ldan pa gang yin pa de ye shes kyis rlom sems su mi byed pa'o/ /gang rlom sems su mi byed pa de mngon par rlom sems su mi byed do/ /
31a4 gang mngon par rlom sems su mi byed pa de mi rtsod do/ /gang mi rtsod pa de kun tu mi 'bar ro/ /gang kun tu mi 'bar ba de kun tu gdung ba ma yin no/ /gang kun tu gdung ba ma yin pa de rab tu 'bar ba ma yin no/ /gang rab tu 'bar ba ma yin pa de zhi ba'o/ /zhi ba gang
31a5 yin pa de rab tu zhi ba'o/ /rab tu zhi ba gang yin pa de nye bar zhi ba'o/ /nye bar zhi ba gang yin pa de thub pa zhes bya'o/ /ston pa zhes bya'o/ /blo gros rgya mtsho chos 'di dag ni 'di ltar zab pa'o/ /'di ltar blta dka' ba'o/ /'di ltar rtogs par dka' ba'o/ /gang
31a6 dag gis chos 'di dag thos nas mos par byed pa de dag thams cad phyin ci log pa dang nye ba'i nyon mongs pa dang / yongs su 'dzin pa dang / 'ching ba thams cad las rnam par grol te/ 'di dag ni 'das pa dang / ma 'ongs pa dang / da ltar byung ba'i sangs rgyas bcom ldan
31a7 'das rnams kyi chos kyi mdzod 'dzin pa dag go/ /de dang de dag ni ded dpon chen po ste/ sems can thams cad la lam tshad med pa ston pa dag go/ /de dang de dag ni sman pa'i rgyal po ste/ nyon mongs pa gzugs can ma yin pa'i nad las rab tu thar bar byed pa dag go/ /de dang
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo