rKTs

e-texts navigator

Volume

Page

30b₁ shes pas rnam par shes par bya ba ma yin no/ /ting nge 'dzin 'di ni rnam par rig pas rtogs par bya ba ma yin no/ /tshor bas ma yin te/ ting nge 'dzin 'di ni tshor ba dang / rnam par rig pa med pa'i mtshan nyid do/ /chos thams cad mnyam pa nyid du rtogs
30b₂ pas de'i phyir yang dag par rdzogs pa'i sangs rgyas zhes bya'o/ /blo gros rgya mtsho ngas ni mtshan nyid gzhan gyis kun nas nyon mongs pa mngon par rdzogs par sangs rgyas pa ma yin/ mtshan nyid gzhan gyis rnam par byang ba mngon par rdzogs par sangs rgyas pa ma
30b₃ yin no/ /de ci'i phyir zhe na/ kun nas nyon mongs pa'i mtshan nyid gang yin pa de nyid rnam par byang ba'i mtshan nyid de 'di lta ste/ rang bzhin gyis rnam par dag pa'i mtshan nyid do/ /rang bzhin gyis rnam par dag pa'i mtshan nyid gang yin pa de mtshan nyid med pa'o/ /mtshan
30b₄ nyid med pa gang yin pa de mtshan ma med pa'o/ /mtshan ma med pa gang yin pa de la so sor rnam par rig pa gang yang med do/ /blo gros rgya mtsho chos thams cad ni rnam par rig pa med cing rnam par rig par bya ba ma yin pa'o/ /chos gang rnam par rig pa med cing rnam par
30b₅ rig par bya ba ma yin pa de la yi ge rnams kun tu mi 'byung ngo / /gang la yi ge rnams kun tu mi 'byung ba de ji lta ba bzhin no/ /ji lta ba bzhin gang zhe na/ sngon gyi ji lta bar phyis kyang de bzhin bar du yang de bzhin te/ de'i phyir chos thams cad ni dus gsum du stong pa zhes bya'o/ /
30b₆ ci'i phyir stong pa nyid ces bya zhe na/ de ni ma byas pa bya bar 'gyur ba ma yin pa/ bya ba ma yin pa rnam par bya ba ma yin pa ste/ de'i phyir stong pa nyid ces bya'o/ /bya ba ma yin pa gang zhe na/ 'di lta ste/ mngon par 'du bya ba med pa ste/ de ltar mi byed pas byas pa'i
30b₇ chos gang yang med do/ /de'i phyir de ni bya bar 'gyur ba med pa zhes bya'o/ /mngon par 'du bya ba med pa gang zhe na/ gang la lus kyis mngon par 'du bya ba med pa dang / ngag gis mngon par 'du bya ba med pa dang / yid kyis mngon par 'du bya ba med pa ste/ 'di ni mngon

_{iiif viewer powered by OpenSeadragon}

30a - 31a

Texts on this page