| e-texts navigator |
| བོད་ཡིག |
30a1 ldan 'das kyis bka' stsal pa/ shin tu kun nas nyon mongs pa med pa'i phyir ro/ /gsol pa/ bcom ldan 'das ting nge 'dzin 'di ni dri ma ma mchis pa lags so/ /bcom ldan 'das kyis bka' stsal pa/ 'dod chags kyi rdul dang bral ba'i phyir ro/ /
30a2 gsol pa/ bcom ldan 'das ting nge 'dzin 'di ni rgyu ba ma mchis pa lags so/ /bcom ldan 'das kyis bka' stsal pa/ khams gsum du mi rgyu ba'i phyir ro/ /gsol pa/ bcom ldan 'das ting nge 'dzin 'di ni spros pa ma mchis pa lags so/ /bcom ldan 'das
30a3 kyis bka' stsal pa/ spros pa thams cad dang bral ba'i phyir ro/ /gsol pa/ bcom ldan 'das ting nge 'dzin 'di ni mi g.yo ba lags so/ /bcom ldan 'das kyis bka' stsal pa/ shin tu mthar thug pa'i phyir ro/ /gsol pa/ bcom ldan 'das ting nge 'dzin 'di
30a4 ni thams cad kyi rjes su zhugs pa lags so/ /bcom ldan 'das kyis bka' stsal pa/ nam mkha' dang mtshungs shing mnyam pa'i phyir ro/ /blo gros rgya mtshos gsol pa/ bcom ldan 'das brtson 'grus brtsams pa ci 'dra ba zhig gis shin tu dkar ba dri ma med pa'i
30a5 phyag rgya'i ting nge 'dzin 'di thob par nus/ bcom ldan 'das kyis bka' stsal pa/ blo gros rgya mtsho 'di lta ste/ dper na/ skyes bu la la zhig nam mkha' dang g.yul 'gyed pa 'dod par gyur na des nam mkha'i go cha nyid bgo bar bya'o/ /blo gros rgya mtsho de bzhin du shin tu
30a6 dkar ba dri ma med pa'i phyag rgya'i ting nge 'dzin thob par 'dod pas chos thams cad mnyam pa nyid kyi go cha nyid bgo bar bya'o/ /de ci'i phyir zhe na/ blo gros rgya mtsho 'god pa ci 'dra bar 'thob pa'ang de 'dra ba'i phyir ro/ /blo gros rgya mtsho de la rnam par shes pa ni 'dus byas kyi sa
30a7 bon no/ /rnam par rig pa med pa ni 'dus ma byas kyi sa bon te/ ting nge 'dzin 'di ni rnam par rig pa med pa'i sa bon no/ /ting nge 'dzin 'di ni mig gi rnam par shes pas rnam par shes par bya ba ma yin no/ /rna ba dang / sna dang / lce dang / lus dang / yid kyi rnam par
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo