rKTs

e-texts navigator

Volume

Page

29a₁ chen po shin tu dkar ba dri ma med pa'i phyag rgya'i ting nge 'dzin 'di thob par 'dod pas rnyog pa med pa'i sems dang / 'khrugs pa med pa'i sems kyis shin tu dkar zhing dri ma med pa'i blo dang ldan par bya'o/ /de la rnyog pa med pa'i sems de ni gang sems rang
29a₂ bzhin gyis 'od gsal ba la glo bur gyis nyon mongs pa rnams kyi skabs med pa dang / 'od gsal ba'i chos mi 'gyur ba nyid dang / yid la byed pa thams cad kun tu mi 'byung ba dang / 'dod chags dang bral te rdul med pa dang / zhe sdang dang bral te rtog pa med pa
29a₃ dang / gti mug dang bral te mun pa med pa dang / dag pa dang / rnam par dag pa dang / shin tu dri ma med pa dang / rnam par grol ba las byung ba dang / rnam par grol ba ji lta bar chos thams cad kyang de bzhin te/ de bzhin nyid dang mnyam pa'i rjes su zhugs
29a₄ pa dang / rnam par grol ba ji lta bar chos thams cad kyang de bzhin te chos kyi dbyings dang mnyam pa'i rjes su zhugs pa dang / rnam par grol ba ji lta bar chos thams cad kyang de bzhin te/ yang dag pa'i mtha' dang mnyam pa'i rjes su zhugs pa dang / rnam par grol ba
29a₅ ji lta bar chos thams cad kyang de bzhin te/ stong pa nyid du mnyam pa'i rjes su zhugs shing mtshan ma med pa dang smon pa med pa dang / mngon par 'du bya ba med pa dang / ma skyes pa dang / skye ba med pa dang / 'gag pa med par mnyam pa'i rjes su zhugs pa dang / rnam par
29a₆ grol ba ji lta bar 'dus byas kyi chos thams cad de bzhin te/ de bzhin du 'dus ma byas kyi chos mnyam pa nyid kyis mnyam pa'i rjes su zhugs pa ste/ gang 'di la mnyam pa nyid kyi rjes su 'gro ba'i ye shes gdegs pa dang gzhag pa med pa 'di ni rnyog pa med pa'i sems zhes bya'o/ /
29a₇ gang gi tshe chos 'di dag sems can gzhan dang / gang zag gzhan dag la ston kyang bdag dang gzhan du rnam par 'khrugs pa med pa 'di ni rnyog pa med pa'i sems so/ /gang gi tshe byang chub sems dpa' sems rnyog pa med cing 'khrugs pa med par gyur pa de'i tshe shin tu dkar ba dri

_{iiif viewer powered by OpenSeadragon}

28b - 29b

Texts on this page