| e-texts navigator |
| བོད་ཡིག |
28b1 gyur pa/ /khyu mchog de la ting 'dzin 'di ni mngon du gyur/ /gang tshe 'jug pa'i spyod pa rnam par sbyangs gyur pa/ /dkar po'i lam rnams kun gyis 'phags shing yongs su dag /sa rnams ji bzhin pha rol phyin pa kun sbyangs te/ /dge ba rgya chen thams cad kyis ni mngon
28b2 par 'phags/ /bsod nams 'bras bus mtshan kun shin tu rnam par dag /spobs pas kyang ni gzungs rnams mthar thug med par 'gyur/ /mkhas pa rtag tu thos pa'i chos rnams sgrub par gnas/ /mkhas pa rtag tu dran la mnyam bzhag 'khrul pa med/ /de la kun
28b3 nas ldang ba rnams dang 'khrul pa ni/ /phra rab mthong bar mi nus sgrib kun rnam par dag /byang chub phyogs chos rgya chen mtha' yas gang yin pa/ /thams cad de yi bag yod pa la 'du bar 'gyur/ /zhi gnas mthar gyur lhag mthong gis ni rtag tu shes/ /sa bcu po ni
28b4 gnon par 'gyur zhing chags pa med/ /byang chub snying po spyad phyir shin tu rdzogs par smra/ /de ni mi dge kun spangs dgra las rgyal bar 'gyur/ /dge ba'i chos rnams kun gyis 'phags pa ri rab bzhin/ /de ni bsam yas dri med 'od 'di rab tu thob/ /ting 'dzin
28b5 'di thob mkhas de bsod nams byas nas ni/ /yongs su dag pa'i chos mchog nyi shu rab tu 'thob/ /de dag gi ni 'gro ba kun na'ang nyi bzhin lhang / /rgyal ba'i ye shes bla na med pa'i byang chub reg /shing gi drung du shugs brgyad bsam du med thob nas/ /de dag gis ni
28b6 zhing brgya dag na 'gro don byed/ /sangs rgyas mi 'jigs byin zhing 'gro ba'i dpa' bo de/ /bdud rnams btul bar byas nas byang chub mchog la reg /rgyal ba'i phyag rgya spyangs pa thob par gyur nas ni/ /yon tan 'di 'dra de kun bsam gyis mi khyab 'gyur/ /de lta
28b7 bas na mi gang yon tan phreng 'dod pa/ /de myur byang chub sems la brtson 'grus brtan pa bskyed/ /de nas bcom ldan 'das kyis byang chub sems dpa' sems dpa' chen po blo gros rgya mtsho la bka' stsal pa/ blo gros rgya mtsho de lta bas na byang chub sems dpa' sems dpa'
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo