rKTs

e-texts navigator

Volume

Page

28a₁ mtha' yas lus rnams ye shes kyis ni rnam par phye/ /mkhas pa shin tu dul ba sangs rgyas mdzad pa byed/ /rdul bral rnams kyi lus kyi las 'di de 'dra'o/ /de dag tshig ni rnam dag sgra snyan yid du 'ong / /des ni lha dang lha min 'gro kun tshim par byed/ /
28a₂ de smra ba na 'chad pa don med mi 'gyur te/ /theg pa bdud rtsi 'dus byas min 'dir nges par 'byung / /dag las ngag gis nyes pa nges mang gang yod pa/ /de dag de yi bsod nams dag pas kun tu chad/ /skad rnams mtshungs shing sgra mtshungs gyur pas sems can rnams/ /
28a₃ sgra dang ngag las ji snyed kun gyis tshim par byed/ /de yi ngag ni phyad cing mnyam la yang dag min/ /yang dag lung ston bsgribs pa med cing mnyam par bzhag /tshig gang smras pa de yang de bzhin 'gyur ba ste/ /bden pa'i rjes su 'brang ba'i shes pas shin tu dag /nyon
28a₄ mongs tha ba med cing 'dod chags rab tu zhi/ /tshar bcad yon tan smra zhing skyon las shin tu grol/ /zab cing gting dpag dka' la shin tu chad pa ste/ /don rnams byed cing zhing stong dag tu khyab par byed/ /rtog pa med par tshig 'di rab tu smra bar byed/ /rang gi ngang gis byung nas
28a₅ ji ltar thar 'gyur smra/ /rtag tu sa bzhin sems can dbang po tshim par byed/ /rnam par spyod byed tshig mchog 'dis ni shes pas byas/ /de yi yid las rtag tu bsgribs med legs par byas/ /sems kyi skad cig gcig gis 'gro ba'i sems rnams shes/ /de ni g.yeng med
28a₆ ting nge 'dzin las nyams pa med/ /khyu mchog de yi rgyu ba bdud kyis shes ma yin/ /de yi sems yid rnam rtog shin tu zab pa ste/ /rang rgyal rnams dang nyan thos kun gyis shes par dka'/ /bdag dang gzhan la rnam par mi 'tshe rjes chags med/ /khong khro med cing khengs
28a₇ pa med cing mnyam pa'i blo/ /mkhas pa de ni 'gro la rigs bzhin shes pa 'jug /tshor ba ma yin sems pa ma yin rnam rtog min/ /'chi med don du byang chub gnas su phyin bar du/ /tshor ba 'gog la bde bar rtogs pa byed ma yin/ /chos bcu de dag gang la rtag tu dag

_{iiif viewer powered by OpenSeadragon}

27b - 28b

Texts on this page