rKTs

e-texts navigator

Volume

Page

27b₁ ste tha mar mi rtog rnam rtog med/ /lus kyi nyes pa mtha' yas ji tsam gang brjod pa/ /de dag de la chad de gdod nas skyes pa med/ /de lus mtshan gyis brgyan te shin tu rnam par phye/ /de yi rkang mthil 'jam zhing bsod nams rnams las byung / /dbang po thams cad yongs su rdzogs
27b₂ pas lus mdzes kyang / /mkhas pa gzugs kyis rgyags pas rlom sems byed pa med/ /dman zhing dbul bas sdug bsngal sems can mang po gang / /de dag la yang gus bcas 'dud cing rab tu 'dud/ /bdag ni chos 'dzin gyur cig snyam ste nga rgyal med/ /chos mnyan
27b₃ des ni byang chub dam pa thob par 'gyur/ /de yis rang gi lus kyi chos nyid shes nas ni/ /de yi sems can kun lus de ltar rtogs pas na/ /de ni chos lus rdul dang bral ba thob 'gyur te/ /zang zing lus min nyon mongs rnams las shin tu grol/ /rtag tu ting 'dzin spyod yul bsam
27b₄ gtan zas can 'gyur/ /gzi brjid chen po la ni zang zing lus mi srid/ /sems can don du kha zas za yi stobs phyir min/ /'chi med don du de ni chos kyis srog kyang 'tsho/ /'phags pa tshul ni rtag bsrung shin tu rab tu zhi/ /'dod chags zhe sdang gti mug shin tu rnam par phye/ /
27b₅ bslab pa sbed par gnas shing rgod med 'thun par byed/ /mkhas pa bdag gtong byed kyi sdig pa byed ma yin/ /rdzu 'phrul gyis ni bye ba phrag mang zhing song nas/ /sems can lus dang 'thun par byas te chos kyang ston/ /'gro ba'i gzugs dang mtshan dang rtags ni ci 'dra ba/ /de
27b₆ yi lus ni de lta bu dang mtshungs par 'gyur/ /de yi lus las shin tu rnam dag 'od byung ste/ /des ni phyogs bcu mtha' yas zhing rnams khyab par byed/ /de yi 'od de bsod nams gzi ldan reg na 'jam/ /srog chags nyon mongs gdung ba thams cad zhi bar byed/ /sems
27b₇ dmyal rnams na sems can brgya dag sdug bsngal ba/ /de dag 'od kyis reg ma thag tu bde bar 'gyur/ /lus dang yid kyang dga' bar 'gyur ba rab tu 'thob/ /de ni sems can dmyal las rab tu thar ba'i rgyu/ /'di dag dang ni gzhan yang lus las yongs sbyangs pa/ /

_{iiif viewer powered by OpenSeadragon}

27a - 28a

Texts on this page