rKTs

e-texts navigator

Volume

Page

24a₁ de'i 'od de ni rab tu sim par byed pa ste/ sems can rnams kyi lus dang sems dga' ba bskyed pa'o/ /de lus nyid kyi sems can rnams la sangs rgyas kyi mdzad pa byed de/ 'di ni byang chub sems dpa'i lus kyi las ye shes sngon du 'gro ba'o/ /
24a₂ blo gros rgya mtsho de la byang chub sems dpa'i ngag gi las ye shes sngon du 'gro ba gang zhe na/ blo gros rgya mtsho 'di la byang chub sems dpa' ni tshig 'khrul pa'i skyon thams cad spangs par ngag gi las 'byung ngo / /blo gros rgya mtsho de la tshig 'khrul pa'i skyon de dag gang zhe na/
24a₃ blo gros rgya mtsho byang chub sems dpa' ni tshig 'khrul pa'i skyon drug cu rtsa bzhi dang bral zhing rnam par spangs par ngag gi las 'byung ste/ drug cu rtsa bzhi gang zhe na/ blo gros rgya mtsho 'di la byang chub sems dpa' ni tshig rtsub po med pa yin/ tshig rnyog pa med pa yin/ gyo mo'i sgra lta bu
24a₄ med pa yin/ grum pa'i sgra lta bu med pa yin/ sgra ha cang che ba ma yin/ sgra ha cang chung ba ma yin/ sgra ha cang drag po ma yin/ tshig brlang po med pa yin/ tshig dib dib po med pa yin/ tshig cal cal po med pa yin/ tshig tab tab po med pa yin/ khas bub
24a₅ pa'i tshig lta bu med pa yin/ tshig nyams pa med pa yin/ zur dbyung dgos pa'i tshig med pa yin/ tshig zhum pa med pa yin/ tshig sub sub po med pa yin/ byis pa'i tshig lta bu med pa yin/ tshig nog nog po med pa yin/ 'bar bar byed pa'i tshig med pa yin/
24a₆ co 'dri ba'i tshig med pa yin/ dus mi shes pa'i tshig med pa yin/ tshod mi shes pa'i tshig med pa yin/ 'dod chags kyis rjes su chags pa'i tshig med pa yin/ zhe sdang gis zhe 'gras pa'i tshig med pa yin/ gti mug gis rmongs shing lkugs pa'i tshig med pa
24a₇ yin/ dman pa'i tshig med pa yin/ mi 'thun pa dang brnyas pa'i tshig med pa yin/ 'byed par byed pa'i tshig med pa yin/ g.yo dang 'dres pa'i tshig med pa yin/ nga rgyal gyis khengs pa'i tshig med pa yin/ khyad du gsod pa'i tshig med pa yin/ ngo za ring

_{iiif viewer powered by OpenSeadragon}

23b - 24b

Texts on this page