rKTs

e-texts navigator

Volume

Page

23a₁ 'di lta ste/ sems can thams cad la zhe sdang med pa'i snying rje chen po'o/ /de sems can thams cad kyis bsti stang du byas kyang khengs par mi 'gyur/ sems can thams cad kyis bsti stang du ma byas kyang dud par mi 'gyur ro/ /khengs pa med pa dang
23a₂ dud pa med pa de ni shes pa las nges par byung ba yin gyi nga rgyal las nges par byung ba ni ma yin no/ /khengs pa med pa dang dud pa med pa de ni chos dang ldan pa yin gyi gti mug dang ldan pa ni ma yin no/ /chos thams cad shes pa las nges par byung bas ye shes sngon du 'gro ba'i
23a₃ lus kyi las dang ldan pa yin/ ye shes sngon du 'gro ba'i ngag gi las dang ldan pa yin/ ye shes sngon du 'gro ba'i yid kyi las dang ldan pa yin te/ de lus sam ngag gam yid kyi las gang byed kyang de dag thams cad ye shes sngon du 'gro zhing ye shes kyi rjes su 'brang ngo / /de la
23a₄ byang chub sems dpa'i lus kyi las ye shes sngon du 'gro ba gang zhe na/ gang gzugs kyi las kun tu bstan pas sems can rnams yongs su smin par byed 'dul bar byed do/ /spyod lam ji lta bus sems can rnams 'dul bar 'gyur ba de lta bu nyid du de'i spyod lam lhun gyis grub
23a₅ cing yongs su brtags pa med par kun tu gnas so/ /lus kyi skyon dang / lus la chags pa dang / lus kyi 'gyur ba dang / lus kyi tshul 'chos pa dang / lus kyi 'khrugs pa dang / lus kyi yongs su rtogs pa gang yin pa de dag byang chub sems dpa' des yang dag
23a₆ par bcom pa yin te/ shing ta la'i mgo gcad pa bzhin du rtsa ba nas chad nas ma 'ongs pa na mi skye ba'i chos can du 'gyur ro/ /de lus yongs su dag pa yin te lus mtshan nyid kyis legs par brgyan pa dang / lag pa dang rkang pa 'jam zhing mnyen pa dang / bsod nams
23a₇ kyi rgyu 'thun pa'i lus shin tu rnam par phye ba dang / dbang po ma tshang ba med pa dang / yan lag dang nying lag thams cad yongs su rdzogs pa yin yang gzugs kyis rgyags shing dregs pa med pa yin te/ lus che ba'i tshul dang ldan pa ma yin no/ /de chos 'dzin pa nye bar

_{iiif viewer powered by OpenSeadragon}

22b - 23b

Texts on this page