| e-texts navigator |
| བོད་ཡིག |
22b1 gyi stobs mdzod ni/ /des par sems la dga' ba yin/ /mi rtog rnam par mi rtog pa/ /shes rab stobs ni 'di 'dra'o/ /chos rnams rtogs pa'i don du ni/ /byang chub yan lag rab tu bstan/ /mnyam ste mi mnyam med pa'i chos/ /yang dag lta ba yin zhes
22b2 brjod/ /gnyis med chos la bsgom pa ni/ /skye ba med pa'i lam bsgom yin/ /skye ba med pa mi rtag don/ /'byung ba med pa sdug bsngal te/ /rgyu ba med pa bdag med don/ /zhi don nye bar zhi ba'i gnas/ /dul ba'i sems ni sbyin pa yin/ /zhi ba'i sems ni tshul
22b3 khrims ldan/ /zad pa'i chos rtogs bzod pa yin/ /brtson 'grus rnam par phye bas rtogs/ /shin tu zhi ba'i bsam gtan te/ /shes rab yang dag rab shes pa/ /sems can gdod nas rnam dag don/ /byams pa zhes ni brjod pa yin/ /snying rje nam mkha' 'dra
22b4 ba ste/ /dga' ba spyod pa dga' ba yin/ /rtsom pa thams cad rgyun chad pa/ /btang snyoms zhes ni rab tu bstan/ /'khor gsum yongs su chad par ni/ /chos rnams thams cad rab tu shes/ /chos rnams nges par 'bigs 'di ni/ /lta ba'i mdud pa gcod pa yin/ /
22b5 bsam gtan shes rab gang yin pa/ /der ni nges par 'bigs pa bstan/ /tshad med pa la 'jug pa ni/ /chos shes pa zhes brjod pa yin/ /gnod pa bzod pa dang nges par 'bigs pa zhes bya ba'i le'u ste gnyis pa'o// //de nas bcom ldan 'das
22b6 kyis byang chub sems dpa' sems dpa' chen po blo gros rgya mtsho la bka' stsal pa/ blo gros rgya mtsho de ltar na gang gi tshe byang chub sems dpa' sems dpa' chen po dag pa dang yongs su dag par 'gyur te/ bsam pa bcos ma ma yin zhing sems can thams cad kyis gnod par byas kyang
22b7 zhe 'gras pa med la/ shin tu nges par phigs pa'i ye shes su gyur cing / shes rab rnam par gdon mi za ba thob pa de'i tshe/ shin tu dkar ba dri ma med pa'i phyag rgya'i ting nge 'dzin gyi rtsa ba'i gnas la rab tu gnas pa yin no/ /de la ting nge 'dzin 'di'i rtsa ba'i gnas gang zhe na/
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo