| e-texts navigator |
| བོད་ཡིག |
19a1 'dir yang rdul bral bsam gtan pha rol phyin la sbyor/ /bdag gi lus ni bdag med rmi lam glog dang 'dra/ /'di la byed pa po med tshor ba po yang med/ /lus kyi gzings pas bcings pa'i sems can bdag gis dgrol/ /shes rab
19a2 'di ni khyad 'phags pha rol phyin pa mchog / gang zhig 'di la sbyor zhing tshul bzhin chos sems la/ /lus kyi gnod pa bzod cing rab sdang mi byed de/ /mi snyan pa dang smad dang bshung ba'i tshig thos kyang / /de ni zhe sdang mi 'gyur byams ldan sems kyang dul/ /tha ba
19a3 rab tu zhe sdang bor 'di sbyin pa dag / byams pa'i yid du gyur pa 'di ni tshul khrims dag /bzod pa'i stobs bskyed 'di ni bzod pa dag pa yin/ /sangs rgyas ye shes 'dod nas brtson 'grus phyir zhing skyed/ /sems dang yid rab zhi ba 'di ni bsam gtan dag /sgra skad
19a4 mi rnyed 'di ni shes rab dag pa yin/ /mi yi tshig thos nas ni gang chos 'di sems pa/ /de 'dir gnod bzod dag gi skyon la chags pa med/ /bdud dang mu stegs can gyi lta gyur brgya stong gis/ /gnas 'di rnyed dkas sbyor ba 'ong brjod kyang / /mi skrag zhum pa med cing
19a5 phyi phyir mthu bskyed de/ /mkhas pa de ni gnod dang sems gnod mtha' yas bzod/ /gang zhig bzod dang brtson 'grus rab gnas ri rab 'dra/ /sems can kun nang dpa' bo de 'dir gnod pa bzod/ /stobs bcu rnams kyi sbyang ba dang ni gnod shes nas/ /byang chub rjes su
19a6 'gro bas phyi nas lung ston to/ /blo gros rgya mtsho de la thams cad mkhyen par sems bskyed pa rin po che de'i 'bigs pa gang zhe na/ blo gros rgya mtsho 'di la byang chub sems dpa' sems dpa' chen po thams cad mkhyen par sems bskyed pa rin po che des rlom sems su mi byed
19a7 de/ thams cad mkhyen pa'i sems de la brten par mi byed gnas par mi byed/ len par mi byed/ 'dor bar mi byed/ spros par mi byed/ rtog par mi byed/ rnam par rtog par mi byed kyi rnam par rtog par nye bar zhi ba la gnas pa yin te/ de chos zab
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo