| e-texts navigator |
| བོད་ཡིག |
17b1 sems dpa' sems dpa' chen po la de ltar bral bar byed de ltar mos pa zlog par byed kyang sngon gyi go cha mi 'dor zhing bsam pa rnam par 'khrugs par mi byed kyi de 'di snyam du sems te/ bdag gis nges par byang chub kyi snying po mnan par bya/ bdag gis nges
17b2 par bdud dpung dang bcas par 'pham par byas te bla na med pa yang dag par rdzogs pa'i byang chub mngon par rdzogs par 'tshang rgya bar bya/ bdag gis nges par chos kyi 'khor lo rab tu bskor bar bya/ bdag gis nges par stong gsum gyi stong chen po'i 'jig rten gyi khams su chos kyi gtam
17b3 chen po brjod par bya/ bdag gis sems can thams cad mgron du gnyer la chos kyi sbyin pas tshim par bya'o/ /sangs rgyas dang byang chub sems dpa' thams cad dang / bdag dang gzhan gyi sems rig pa'i lha rnams kyis byang chub tu bsam pa rig gis/ bdag gis
17b4 thams cad mkhyen pa'i sems kyi gnod pa bzod par bya'o/ /sangs rgyas rnams dang lha rnams dang sems can thams cad dang bdag la bslu bar mi bya'o snyam pa 'di lta bu ni/ blo gros rgya mtsho byang chub sems dpa'i sems kyi gnod pa bzod cing / theg pa chen po de las mi phyed
17b5 pa ste/ blo gros rgya mtsho 'di ni thams cad mkhyen par sems bskyed pa rin po che de'i gnod pa bzod pa'o/ /bzod pa'i pha rol tu phyin pa'i go cha gang yin pa dang / brtson 'grus kyi pha rol tu phyin pa gong na med pa gang yin pa dang / pha rol tu phyin pa 'di gnyis yongs
17b6 su rdzogs par byed pa 'di ni byang chub sems dpa'i sems kyi gnod pa bzod pa'o/ /de nas de'i tshe bcom ldan 'das kyis tshigs su bcad pa 'di dag gsungs so/ /byang chub lam las bsam pa mi phyed cing / /de ni snying rje las kyang phyed ma yin/ /bdag
17b7 gis dkon mchog gsum po bsrung bar bya/ /sangs rgyas chos rnams yang dag bsgrub par bya/ /sum cu rtsa gnyis khyad 'phags mtshan dang dpe byad bzang / /gang dag gis ni stobs bcu rnams kyis lus mdzes pa/ /de dag yongs su btsal phyir mchod sbyin bye
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo