rKTs

e-texts navigator

Volume

Page

17a₁ sems su gzhug go/ /snyam pa 'di ni de'i bsam gtan gyi pha rol tu phyin pa'o/ /gzhan yang de 'di snyam du sems te/ sems can 'di ni shes rab 'chal pa/ bdag tu smra ba/ sems can du lta bar dmigs pa'i spyod yul ba ste de ni bdag la
17a₂ gshe zhing bsdigs pa'o/ /bdag ni chos nyid la bsten par bya'o snyam ste 'di la gshe ba dang khro ba su yin zhes des yongs su tshol ba na gang gshe ba dang khro ba'i chos de mi dmigs so/ /de bdag dang gzhan mi dmigs par lta ba dang bral bar bzod pa 'di ni de'i shes rab
17a₃ kyi pha rol tu phyin pa'o/ /blo gros rgya mtsho de ltar na thabs la mkhas pa'i byang chub sems dpa' ngan du brjod pa dang ngan du smras pa'i tshig gi lam dang / gshe ba dang bsdigs pa dag pha rol las thos nas pha rol tu phyin pa drug bsgom pa yongs su rdzogs par 'gyur zhing theg pa
17a₄ chen po de las kyang mi nyams te 'di ni byang chub sems dpa'i ngag gi gnod pa bzod pa'o/ /blo gros rgya mtsho de la byang chub sems dpa'i sems kyi gnod pa bzod pa gang zhe na/ gang bdud thams cad kyis byang chub kyi sems de las phral yang mi g.yo ba dang / phas kyi rgol
17a₅ ba dmigs par lta ba la mngon par zhen pa thams cad kyis yang dag pa'i bsam par zhugs pa thams cad mkhyen pa'i sems de las mos pa bzlog kyang mi brjed pa dang / sangs rgyas kyi gzugs su 'dug kyang mi mnyam pa dang mnyam pa'i sems de las nyams par byed mi
17a₆ nus te bdud rdzu 'phrul rab tu chen po dag gis khyod kyis theg pa chen po yang dag par bsgrub par mi nus kyis khyod kyis gces par bya ba 'di thong shig / khyod kyis brtson 'grus 'di 'or cig /byang chub ni rnyed par dka' ba/ sangs rgyas kyi chos rnams ni rnyed par dka'
17a₇ ba ste 'dir 'khor ba'i sdug bsngal mang du myong bar 'gyur ro/ /gang dag mya ngan las 'das pa de dag ni bde ba yin gyis skyes bu dam pa khyod myur du mya ngan las 'das par gyis shig ces de'i sems skul zhing sems dran par byed la/ blo gros rgya mtsho gal te byang chub

_{iiif viewer powered by OpenSeadragon}

16b - 17b

Texts on this page