| e-texts navigator |
| བོད་ཡིག |
16b1 dge ba'i bshes gnyen la brten par bya/ bsnyen par bya/ bsnyen bkur bya'o snyam ste/ de dag bsrung zhing gnod sems kyang spong ba 'di ni de'i sbyin pa'i pha rol tu phyin pa'o/ /gzhan yang de 'di snyam du sems te/ sems can 'di ni tshul khrims 'chal pa las
16b2 ma mthong ba ste/ de ni bdag la gshe zhing bsdigs pa'o/ /bdag ni tshul khrims dang brtul zhugs yang dag par blangs pa las mi nyams par bya'o/ /gnod sems med par bya'o/ /byang chub kyi sems yongs su bsrung bar bya'o/ /las kyi rnam par smin pa la
16b3 bsten par bya'o snyam pa 'di ni de'i tshul khrims kyi pha rol tu phyin pa'o/ /gzhan yang de 'di snyam du sems te/ sems can 'di ni zhe sdang gi shas che zhing gnod sems mang ba ste/ de ni bdag la gshe zhing bsdigs pa'o/ /bdag ni bzod pa'i stobs mang du byas
16b4 te/ byams pa la gnas par bya'o snyam pa 'di ni de'i bzod pa'i pha rol tu phyin pa'o/ /gzhan yang de 'di snyam du sems te/ sems can 'di ni le lo can dge ba'i chos dang bral ba ste de ni bdag la gshe zhing bsdigs pa'o/ /bdag ni brtson 'grus brtsam par
16b5 bya/ dge ba'i rtsa ba yongs su btsal bar brtson pa la mi ngoms par bya ste/ sems can 'di byang chub kyi snying por sngar je 'jug par byas la phyis bdag bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam du/ de ltar go cha gyon pa 'di
16b6 ni de'i brtson 'grus kyi pha rol tu phyin pa'o/ /gzhan yang de 'di snyam du sems te/ sems can 'di ni brjed ngas pa/ shes bzhin med pa/ nyon mongs pa nges par bsams pa ste/ de ni bdag la gshe zhing bsdigs pa'o/ /bdag ni nyon mongs pa nges par
16b7 bsam par bya/ dran pa dang shes bzhin can du bya/ rtse gcig tu byang chub kyi sems mi brjed par bya ste/ sems can ma dul ba/ ma zhi ba/ ma sbas pa/ nye bar ma zhi ba 'di lta bu dag gi don du bdag gis go cha chen po bgos te 'di ltar sems nges par
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo