rKTs

e-texts navigator

Volume

Page

16a₁ yang dag par na sdug bsngal ba nyid dang / yang dag par na bdag med pa nyid dang / yang dag par na zhi ba nyid du lus la rtog pa 'di ni de'i shes rab kyi pha rol tu phyin pa'o/ /blo gros rgya mtsho de ltar na thabs la mkhas pa'i byang chub sems dpa'i
16a₂ lus gcod pa na/ pha rol tu phyin pa drug bsgom pa yongs su rdzogs par 'gyur zhing theg pa chen po de las nyams par mi 'gyur te 'di ni byang chub sems dpa'i lus kyi gnod pa bzod pa'o/ /blo gros rgya mtsho de la byang chub sems dpa'i ngag gi gnod pa bzod pa gang zhe
16a₃ na/ gang ngan du brjod pa'i tshig thams cad dang du len pa dang / gshe ba dang / bsdigs pa dang / smad pa dang / bshung ba dang / bsdigs mo byed pa thams cad bzod pa dang / yod pa'am/ med pas glengs pas kyang mi khro ba dang / 'khon du mi 'dzin
16a₄ pa dang / bag la nyal spong ba'o/ /blo gros rgya mtsho de la thabs mkhas pa'i byang chub sems dpa' sems dpa' chen po ngan du brjod pa dang / ngan du smras pa'i tshig gi lam dang / gshe ba dang bsdigs pa dag pha rol las thos nas pha rol tu phyin pa drug bsgom pa yongs
16a₅ su rdzogs par 'gyur ro/ /blo gros rgya mtsho ji ltar na thabs la mkhas pa'i byang chub sems dpa' ngan du brjod pa dang ngan du smras pa'i tshig gi lam dang / gshe ba dang bsdigs pa dag pha rol las thos na pha rol tu phyin pa drug bsgom pa yongs su rdzogs par 'gyur zhe na/
16a₆ blo gros rgya mtsho 'di la byang chub sems dpa' sems dpa' chen po ngan du brjod pa dang ngan du smras pa'i tshig gi lam dang / gshe ba dang bsdigs pa dag pha rol las thos na dran pa 'di lta bu rab tu 'thob ste/ sems can 'di ni sngon nas ser sna can du gyur pa 'jungs pa
16a₇ ste/ ser sna'i dri mas kun nas kun tu bskor ba des gang dag de'i gnod sems kyi dri ma spang ba'i phyir/ chos ston pa'i dge ba'i bshes gnyen rnams la ma bsten/ gus par ma byas bsnyen bkur ma byas pa'o/ /bdag ni gtong ba la mos shing ser sna med par bya/

_{iiif viewer powered by OpenSeadragon}

15b - 16b

Texts on this page