| e-texts navigator |
| བོད་ཡིག |
15a1 ma'i mthar bdag gis lus gshegs gtubs rnam par gtor rnam par bcom pa de lta bur gyur kyang bdag gis thams cad mkhyen pa yongs su mi gtong ngo / /sems can thams cad yongs su mi gtong ngo / /dge ba'i chos la 'dun pa yongs su mi gtong
15a2 ngo / /de ci'i phyir zhe na/ lus gtubs pa'i lus kyi gnod pa 'di lta bu thams cad ni sems can dmyal ba'i sdug bsngal gyi/ brgya'i char yang nye bar mi 'gro ba nas rgyu'i bar du yang mi bzod do/ /bdag ni sems can dmyal bar gnas par spro'i/ bdag gis sangs
15a3 rgyas kyi chos gtang bar ni mi bya'o/ /sems can thams cad rab tu thar bar bya ba la dmigs pa'i snying rje chen po mi gtong ngo / /de ci'i phyir zhe na/ de ni bcom ldan 'das kyis kyang gsungs te/ dge ba la ni bar chad mang ngo / /mi dge ba'i phyogs la ni grogs
15a4 byed pa mang ngo / /dge ba'i phyogs la ni grogs byed pa nyung ngo zhes gsungs pas bdag gis mi dge ba'i phyogs kyi grogs mi bya'i dge ba'i phyogs kyi grogs bya'o/ /sems can thams cad la bzod par bya'i gnod sems su mi bya'o/ /sems can de dag la gang
15a5 yod pa de ma byin na yang bdag la gang yod pa de bdag gis sbyin par bya ste/ sems can de dag la gnod sems dang khro ba dang / 'khon du 'dzin pa yod pa de dag de rnams kyis ma byin yang bdag la bzod pa dang des pa gang yod pa de bdag gis sbyin par bya'o/ /bdag
15a6 gis bzod pa'i stobs bstan par bya'i gnod sems ni ma yin no snyam mo/ /blo gros rgya mtsho lus dang srog 'dor ba'i byang chub sems dpa' rnams la ni bla na med pa yang dag par rdzogs pa'i byang chub rnyed par dka' ba ma yin no/ /gang gi gzhi las gnod sems 'byung
15a7 ba'i chos de bdag gis spang bar bya'o snyam mo/ /chos de gang zhe na/ 'di lta ste lus la dga' ba dang / lus la gnas pa dang / lus la chags pa ste/ lus btang na gnod sems kyang gtong ngo / /blo gros rgya mtsho de ltar bgrang ba la zhugs pa'i byang chub sems
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo