| e-texts navigator |
| བོད་ཡིག |
14b1 tshun mi 'thun pa dag go/ /bdag ni sems can thams cad kyi mi 'thun pa spang ba'i phyir go cha bgos pa'o/ /sems can de dag ni gnod sems la dpa' ba dag go/ /bdag ni bzod pa dang / nges pa yongs su tshol ba'o/ /sems can de dag ni gcig la gcig
14b2 yongs su 'drid par gnas pa dag go/ /bdag ni shes rab kyis ngoms pa yongs su tshol ba'o/ /gal te sems can de dag phyogs bcu'i rab tu dbye bas rab tu phye ba ji snyed pa de dag thams cad ral gri dang / mdung thung dang mda' bo che lag na thogs te/ bdag gi phyi bzhin 'brang yang /
14b3 sa phyogs gang du 'greng ngam 'dug gam 'chag gam nyal yang rung ste/ byang chub kyi sems skye bar 'gyur ba dang / sbyin pa'i sems sam/ tshul khrims kyi sems sam/ bzod pa'i sems sam/ brtson 'grus kyi sems sam/ bsam gtan gyi sems sam/
14b4 shes rab kyi sems sam/ thos pa'i dge ba'i rtsa ba'i sems skye bar 'gyur ba'i sa phyogs der da bdag lus rgya shug gi lo ma'i brgya cha tsam du gtubs sam/ rnam par gtor tam/ rnam par bcom mam/ sems can de dag thams cad las gzhan mi byed par rgyun
14b5 tu gshe 'am/ bsdigs sam/ smod dam/ bshung ngam/ tshig ngan pa dang ngag rtsub po smra ba de ltar gyur kyang bdag gis sems can 'ga' la yang 'khrug pa'i sems bskyed par mi bya'o/ /de ci'i phyir zhe na/ sngon gyi mtha' nas 'khor ba tshad med par byas te/
14b6 gang du bdag gis lus 'di sems can dmyal bar song ngam/ dud 'gro'i skye gnas su song ngam/ gshin rje'i 'jig rten du song ngam/ mir gyur kyang rung ste 'dod pa'i zas kyi dri mas dri ma can du gyur nas chos thos pa dang mi ldan zhing yang ba'i 'tsho ba'i spyod yul
14b7 don med pas 'tsho ba can du gyur te yan lag dang / nying lag brgyar gshegs shing gtubs te phye zhing phral la bya ba rnam pa mang po byas kyang bdag gis gzhi de las bdag gi don byas kyis gzhan gyi don ma byas pa'i gal te sems can de dag thams cad kyis/ phyi
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo