| e-texts navigator |
| བོད་ཡིག |
14a1 bskyed pa de las mi phyed pa dang / sems can thams cad rab tu thar bar bya ba'i snying rje chen pos brtson 'grus brtsams pa las mi phyed pa dang / dkon mchog gsum gyi rigs mi 'chad par bya bar brtson pa las mi phyed pa dang / sangs rgyas kyi
14a2 chos thams cad yang dag par bsgrub pa'i dge ba'i rtsa ba la sbyor ba las mi phyed pa dang / mtshan dang dpe byad bzang po yongs su 'grub par 'gyur ba'i bsod nams kyi tshogs bsags pa las mi phyed pa dang / sangs rgyas kyi zhing yongs su sbyang ba mngon par sgrub par
14a3 brtson pa las mi phyed pa dang / lus dang srog 'dor zhing dam pa'i chos yongs su 'dzin par mngon par brtson pa las mi phyed pa dang / sems can thams cad yongs su smin par bya ba la mngon par brtson zhing bdag bde ba la mi chags pa las mi phyed pa ste/ de de ltar lhag
14a4 pa'i bsam pa phun sum tshogs par gyur pas sems can thams cad kyis dpyas kyang bzod/ thing slad byas pa dang / smad pa dang / bshung ba byas kyang bzod/ sems can thams cad kyis spyos sam bsdigs sam ngan du brjod dam/ ngan du smras pa'i tshig gi lam
14a5 yang bzod/ sems can thams cad kyi gnod pa yang bzod/ sems can thams cad kyi khur yang bzod/ sgrol bas kyang skyo ba med/ zhum pa med/ kun tu zhum pa med/ sgyid lug pa med/ yi chad pa med kyi stobs nye bar ston par byed/ mthu skyed par
14a6 byed cing brtson 'grus rtsom la rtul bas rtul bar byed de/ spro bskyed cing rmongs pa'i sems mi 'dzin to/ /de spyos kyang slar mi gshe/ brdegs kyang slar mi rdeg /khros kyang slar mi khro/ 'khrugs kyang slar mi 'khrug ste/ de ltar sems can bgrang ba'i
14a7 go cha gyon no/ /'di lta ste/ theg pa chen po 'di ni 'jig rten thams cad dang mi 'thun pa'i theg pa'o/ /de ci'i phyir zhe na/ sems can de dag ni rgyun gyi rjes su 'gro ba dag go /bdag ni rgyun las ldog par rtsol bar 'dod pa'o/ /sems can de dag ni phan
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo