rKTs

e-texts navigator

Volume

Page

11a₁ bzhin dang ldan pa dang / sems shin tu dul bas sems las su rung ba dang / dgang sla bas sbyangs pa'i yon tan yo byad bsnyungs pa'i cho ga dang ldan pa dang / gso sla bas 'phags pa'i rigs chog shes pa dang / bla ma dang sbyin gnas rnams
11a₂ la 'dud cing rab tu 'dud pa dang / nga rgyal med pas khengs pa dang rtsod pa rnam par spong ba dang / sems nges par sems pas nga rgyal las kyang nga rgyal rnam par spong ba dang / rnyog pa med pas sems gsal ba dang / bdag la mi stod pas bdag shes pa la 'jug
11a₃ pa dang / gzhan la mi smod pas sems can rjes su srung ba dang / sman gyi sems kyis chos la gus pa dang / de'i don so sor myong bas chos don du gnyer ba dang / de la gzhol 'bab bab pas chos 'dod pa dang / nyon mongs pa med pa la gnas pas chos la
11a₄ dga' ba dang / chos ma yin pa rnam par spong bas chos yongs su tshol ba dang / rtag tu ngo tsha shes pas dkon mchog gsum la dad pa rgyun mi 'chad pa dang / las kyi rnam par smin pa la yid ches pas dge ba thams cad yid la byed pa'i bya ba la 'jug pa dang /
11a₅ drang bas spyod lam sbas pa dang / khengs pa med pas mnyen pa dang / zhi gnas yongs su tshol bas rgod pa dang bral ba dang / blo brtan pas snyom las med pa dang / rab tu mi g.yo bas sems ri dang mtshungs pa dang / rjes su chags pa dang khong khro ba dang bral
11a₆ bas sems sa dang mtshungs pa dang / bsam pa dag pas sems chu dang mtshungs pa dang / rlom sems med pas sems me dang mtshungs pa dang / gnas med pas sems rlung dang mtshungs pa dang / shin tu dri ma med pas sems nam mkha' dang mtshungs pa
11a₇ dang / sangs rgyas kyi tshul 'khrugs pa med pa'i phyir rab tu 'byung ba la gzhol ba dang / lus dben pa'i phyir dgon pa la dga' ba dang / sems dben pa'i phyir chos la spyod pa dang / de byed cing yang dag par sgrub pa'i phyir tshig bden pa dang / kha 'og tu

_{iiif viewer powered by OpenSeadragon}

10b - 11b

Texts on this page