| e-texts navigator |
| བོད་ཡིག |
115b1 'di 'dra 'di ni thos gyur pa/ /sems can de dag rnyed pa legs par rnyed/ /gang dag byang chub sems ni mi brjed pa/ /de dag de bzhin gshegs pas shin tu bzung / /phyogs bcu'i sangs rgyas stong phrag bye ba rnams/ /phyag ni g.yas pa rab tu rkyang mdzad de/ /yon tan rgya mtsho'i spyi bor bzhag nas ni/
115b2 shAkya seng ge'i bskul ba legs zhes gsungs/ /lha dang klu dang lha min mi'am ci/ /dri za gnod sbyin mkha' lding lto 'phye che/ /brgya byin tshangs pa 'jig rten skyong ba rnams/ /nam mkhar gnas te ched du brjod pa brjod/ shAkya seng ge 'di dang dge 'dun dang / /mdo sde 'di 'dra ba ni 'dzin byed pa/ /byang chub
115b3 sems dpa' dpa' bo ring gnas gyur/ /legs gsungs chos ni gzhar yang nub mi 'gyur/ /gang dag chos kyi tshul ni 'di 'dzin pa/ /de dag la ni bdag cag bsnyen bkur bgyi/ /bdag cag thams cad gus dang bcas par ni/ /kun tu srung zhing spa bar spro bar bgyi/ /de nas bcom ldan 'das kyis byang
115b4 chub sems dpa' blo gros rgya mtsho la bka' stsal pa/ blo gros rgya mtsho chos kyi tshul chos kyi phyag rgya/ chos btus pa/ chos rab tu dbye ba 'di ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyis bshad pa/ 'chad pa 'chad par
115b5 'gyur ba ste/ blo gros rgya mtsho khyod kyis de la gus pa dang bcas pa dang / zhe sa dang bcas pa dang / sgrub pa snying por bya'o/ /bcom ldan 'das kyis de skad ces bka' stsal nas/ byang chub sems dpa' sems dpa' chen po blo gros rgya mtsho dang / thams cad dang ldan pa'i byang chub sems dpa'i
115b6 tshogs de dag dang / dge slong gi dge 'dun dang / lha dang mi dang lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //byin gyi rlabs kyi le'u ste bcu gnyis pa'o/ /'dus pa chen po'i le'u'i chos kyi rnam
115b7 grangs las/ 'phags pa blo gros rgya mtshos zhus pa zhes bya ba'i le'u ste lnga pa rdzogs so// //rgya gar gyi mkhan po dzi na mi tra dang / dA na shI la dang / bud d+ha pra b+ha dang / zhu chen gyi lots+tsha ba ban+de ye shes sdes bsgyur cing zhus te skad gsar chad kyis kyang bcos nas gtan la phab pa// //
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo