rKTs

e-texts navigator

Volume

Page

113b₁ nags tshal dang / rdo dang gyo mo dang gzugs su snang ba gang dag ji snyed pa de dag thams cad de bzhin gshegs pa'i gzugs su snang ngo / /rin po che bkod pa'i 'khor gyi khyams na mchod pa'i las byin gyis brlabs pa'i gzugs kyi rnam pa gang dag yod pa de dag kyang de bzhin gshegs
113b₂ pa'i gzugs nyid du gnas par kun tu snang ngo / /de bzhin gshegs pa'i gzugs de dag gis gsung gcig tu/ kye ma'o chos kyi rnam grangs 'di ni bcom ldan 'das shAkya thub pas byin gyis brlabs so/ /gang bcom ldan 'das kyis byin gyis brlabs pa de phyogs bcu'i sangs rgyas
113b₃ bcom ldan 'das thams cad kyis byin gyis brlabs pa'o/ /gang sangs rgyas bcom ldan 'das thams cad kyis byin gyis brlabs pa de la bdud thams cad kyis bar chad bya bar mi nus so/ /bcom ldan 'das gal te gang gA'i klung gi bye ma snyed kyi bdud dpung dang bcas/ g.yog
113b₄ 'khor dang bcas te/ chos kyi rnam grangs 'di la bar chad bya bar brtun kyang de dag gis chos kyi rnam grangs 'di la bar chad bya bar mi nus so/ /de ci'i phyir zhe na/ sa ni 'gas kyang srid/ rgya mtsho thams cad ni skam yang srid/ ri thams cad ni rnam par 'thor yang srid/ rlung ni zhags
113b₅ pas bcing du rung yang srid/ nyi ma dang zla ba ni sa'i steng du ltung yang srid/ nam mkha' ni gzugs kyi rnam par bstan du rung yang srid/ me ni chur 'gyur yang srid/ chu ni mer 'gyur yang srid/ 'byung ba chen po bzhi ni gzhan du 'gyur yang srid/ sems can thams cad kyi sems ni
113b₆ gcig tu byar rung yang srid/ nam mkha' dang sa ni 'byar yang srid kyi/ de bzhin gshegs pa'i byin gyi rlabs ni sus kyang bskyod pa 'am g.yo ba 'am 'khrugs par byed mi nus so zhes gsungs so/ /de nas bcom ldan 'das kyis tshe dang ldan pa kun dga' bo'i spyi bor phyag bzhag
113b₇ ste/ tshe dang ldan pa kun dga' bo la 'di skad ces bka' stsal to/ /kun dga' bo khyod kyis dam pa'i chos yun ring du gnas par bya ba nye bar bzung ste/ chos kyi rnam grangs 'di zung shig /chongs shig /lhogs shig /kun chub par gyis shig /gzhan dag la yang rgya

_{iiif viewer powered by OpenSeadragon}

113a - 114a

Texts on this page