rKTs

e-texts navigator

Volume

Page

113a₁ grangs 'di ston pa'i 'khor der mchi bar bgyi'o/ /chos smra ba de la yang chos brgyad bsgrub par bgyi'o/ /brgyad gang zhe na/ ji ltar thos pa'i chos mi bskyud par bgyi ba'i slad du de la dran pa bsgrub par bgyi/ chos zab mo rtogs par bgyi ba'i slad du de la blo gros
113a₂ bsgrub par bgyi/ don gyi rnam par rtogs par bgyi ba'i slad du de la rtogs pa bsgrub par bgyi/ the tshom thams cad gcad pa'i slad du de la spobs pa bsgrub par bgyi/ skad dang nges pa'i tshig thams cad kyis yongs su tshim par bgyi ba'i slad du de la lung bstan pa phun sum tshogs
113a₃ pa bsgrub par bgyi/ 'khor thams cad zil gyis mi non par bgyi ba'i slad du de la 'dul ba bsrung ba bsgrub par bgyi/ mi dman par lung bstan par bya ba'i slad du de la chos kyi snang ba bsgrub par bgyi/ de bgyid cing chos bsgrub pa'i slad du de la nges par 'byung ba'i sgo bsgrub par bgyi
113a₄ ste/ bcom ldan 'das chos smra ba de la chos brgyad po 'di dag bsgrub par bgyi'o/ /chos smra ba de la bsrung zhing sba ba dang / dam pa'i chos kyang yun ring du gnas par bgyi ba'i slad du 'di lta ste/ de bzhin gshegs pa nyid kyi byin gyi rlabs kyis ji ltar chos kyi rnam grangs 'di rgyas
113a₅ par 'gyur ba de ltar bdud thams cad dang phas kyi rgol ba thams cad shin tu tshar gcad par bgyi'o/ /de nas bcom ldan 'das la byang chub sems dpa' blo gros rgya mtshos 'di skad ces gsol to/ /de bzhin gshegs pa yongs su mya ngan las 'das te/ tha ma'i dus kyi tshe ci nas
113a₆ dge ba'i rtsa ba bskrun pa'i sems can rnams kyi sug par mchi ba dang / mdzod du chud pa dang / glegs bam du 'gyur zhing nub par mi 'gyur bar bcom ldan 'das nyid kyis chos kyi rnam grangs 'di byin gyis brlab tu gsol/ de nas bcom ldan 'das kyis byang chub sems dpa' blo
113a₇ gros rgya mtshos gsol ba btab pa mkhyen nas/ mdzod spu nas 'di lta bu'i 'od phyung ste/ 'od des stong gsum gyi stong chen po'i 'jig rten gyi khams 'di snang ba chen po khyab par gyur nas/ stong gsum gyi stong chen po'i 'jig rten gyi khams 'di na rtswa dang / shing gel pa dang / sman dang /

_{iiif viewer powered by OpenSeadragon}

112b - 113b

Texts on this page