| e-texts navigator |
| བོད་ཡིག |
111b1 brjod par bya ste/ sngags kyi tshig de dag gis bdud dang bdud kyi ris kyi lha rnams tshar gcod par 'gyur ro/ /sngags kyi tshig de dag gang zhe na/ 'di lta ste/ sha me/ sha ma ba ti/ sha mi ta sha tru/ a~M ku re/ ma~M ku re/ mA ra dzi te/ ka rA Te/ ke
111b2 yU re/ te dzo ba ti/ o ho ka ma ti/ bi sha Tha/ ni rma le/ ma lA pa na ye/ o kha re/ o kha rA/ gra se/ kha yA gra se/ gra sa te/ he mu khI/ pa rAmu khi/ a mu khI/ sha mi tA ni/ sarba gra ha ban+d+ha nA ni/ ni gr-i hi twA/ sarba par
111b3 pra bA din/ bi muk+tA mA ra pa shA/ s+thA pi tA bud+d+ha mu drA/ sa mung+g+ha ti tAH/ sarba mA rA/ su tsa ri ta pa da pa ri shud+d+h+ya/ gats+tshan+tu sarba mA ra karma Ni/ blo gros rgya mtsho 'di dag ni bdud tshar gcad pa'i tshig /nyon mongs pa bsal ba'i tshig ste/ de dag chos
111b4 smra ba des legs par kha ton du byas la chos kyi khri la 'dug ste/ byang chub kyi rnam pas mngon par bsgrubs pa'i byams pas 'khor thams cad la khyab par byas la/ bdag la sman par 'du shes bskyed de/ chos la sman gyi 'du shes dang / chos nyan pa la
111b5 nad pa'i 'du shes dang / de bzhin gshegs pa la skyes bu dam pa'i 'du shes dang / chos kyi tshul la yun ring du gnas pa'i 'du shes bskyed la/ sngags kyi tshig 'di dag mngon du byas te/ chos kyi gtam byed na/ de'i khor yug dpag tshad brgya tshun chad
111b6 du bdud dang bdud kyi ris kyi lha rnams mig gis mi rtsol bar bya ba'i las kyi phyir 'ong bar mi 'gyur ro/ /gang dag 'ong ba de dag kyang bar chad byed par mi nus so/ /de nas bcom ldan 'das la bdud sdig can gyis 'di skad ces gsol to/ /bcom ldan 'das gang
111b7 bdag byang chub sems dpa' blo gros rgya mtshos 'jig rten gyi khams/ bde ba thams cad kyis brgyan par 'phangs pa skyes bu dam pa de dag gis byin gyi rlabs dang / rdzu 'phrul dang / cho 'phrul 'di bdag la mngon sum du gyur to/ /bcom ldan 'das bdag
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo