rKTs

e-texts navigator

Volume

Page

111a₁ po dang rab tu ldan pas seng ge'i khri la 'dug ste lha'i dbang po brgya byin bsams la/ kau shi ka 'khor legs par yongs su gzhag pa'i phyir tshur shog /sngags kyi grub pa mngon sum du gyis shig ces brjod na/ de'i bsam pa shin tu rnam par dag cing
111a₂ yongs su dag la tshul khrims yongs su dag pas bsams ma thag tu lha'i dbang po brgya byin 'ongs nas 'khor yongs su 'jog par 'gyur/ sngags kyi grub pa yang nye bar bsgrub par 'gyur ro/ /de nas lha'i dbang po brgya byin 'khor de nyid du 'dus par gyur te/ 'dug pa
111a₃ des bcom ldan 'das la 'di skad ces gsol to/ /bcom ldan 'das chos kyi rnam grangs 'di yongs su gzung ba dang / yun ring du gnas par bgyi ba'i slad du bdag chos smra ba de'i drung du mchi bar bgyi/ de'i 'khor kyang yongs su gzhag par bgyi/ sngags kyis grub
111a₄ pa yang nye bar bsgrub par bgyi'o/ /bcom ldan 'das bdag gis chos kyi rnam grangs 'di sum cu rtsa gsum gyi lha rnams la rgya cher yang dag par rab tu bshad par bgyi'o/ /de ci'i slad du zhe na/ bcom ldan 'das 'das pa dang / ma byon pa dang / da ltar byung ba'i
111a₅ sangs rgyas bcom ldan 'das rnams kyi byang chub sems dpa'i spyod pa 'di las bstan pa'i slad du'o/ /bcom ldan 'das bdag gis 'das pa dang / ma byon pa dang / da ltar byung ba'i sangs rgyas bcom ldan 'das rnams kyi chos la gus par bgyis te/ chos kyi rnam
111a₆ grangs 'di rgya cher yang dag par rab tu bstan par bgyi'o/ /de nas bcom ldan 'das kyis lha'i dbang po brgya byin la legs so zhes bya ba byin te/ kau shi ka khyod kyis dam pa'i chos yongs su gzung ba'i phyir seng ge'i sgra bsgrags pa legs so legs so/ /de lta bu ni
111a₇ khyod kyi bya ba'o/ /lha'i dbang po khyod kyis chos kyi rnam grangs 'di bsams na lha rnams ni rgyal zhing lha ma yin rnams ni pham par 'gyur bar shes par bya'o/ /blo gros rgya mtsho gzhan yang bdud dang bdud kyi ris kyi lha rnams tshar gcad pa'i sngags kyi tshig 'di rnams

_{iiif viewer powered by OpenSeadragon}

110b - 111b

Texts on this page