rKTs

e-texts navigator

Volume

Page

110a₁ bstan pa'i le'u ste bcu gcig pa'o/ / //de nas bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das de bzhin gshegs pa rnams kyi byang chub 'di ni bar chad mang ba phyir rgol ba
110a₂ mang ba lags na/ gang 'di lta bu'i mdo sde 'di dag de bzhin gshegs pa'i byin gyi rlabs kyis nub par mi 'gyur zhing rgyas par 'gyur ba dang / gang dag 'dzin pa dang klog pa dang / ston pa de dag la yang bdud dam bdud kyi ris kyi lha rnams kyis glags rnyed par mi 'gyur
110a₃ ba dang / dam pa'i chos yun ring du gnas pa dang mdo sde 'di lta bu 'di dag kyang kun tu bsrung ba dang sba ba dang / yongs su gzung ba'i slad du/ bcom ldan 'das de bzhin gshegs pas legs par byin gyis brlab tu gsol/ de skad ces gsol pa dang / bcom ldan
110a₄ 'das kyis byang chub sems dpa' blo gros rgya mtsho la 'di skad ces bka' stsal to/ /blo gros rgya mtsho sems can gang dag mdo sde 'di lta bu 'di dag 'dzin pa dang / ston par 'gyur zhing 'dod pa brtson 'grus brtsams pa/ dge ba'i rtsa ba bskyed pa de dag 'dul ba'i dbang nye bar gzung
110a₅ ste chos kyi rnam grangs 'di byin gyis brlabs zin to/ /blo gros rgya mtsho de'i phyir legs par rab tu nyon la yid la zung shig dang / tshig gang dag gis rgyal po chen po bzhi dag bkug nas chos kyi rnam grangs 'di kun tu bsrung ba dang / chos smra ba de dag kyang yongs su gzung ba'i phyir
110a₆ nan tan byed par 'gyur ba'i rgyal po chen po bzhi dgug pa'i tshig rnams brjod par bya'o/ /blo gros rgya mtsho dgug pa'i tshig de dag gang zhe na/ 'di lta ste/ sa me sa ma san d+hi/ sa ra ne/ sa ra pa ti/ d+ha ne/ d+ha na ba ti/ d+hu d+hu me/ d+hu d+hu ma ti/ A brte/ a ma le/ bi ma le/ bi ra dze/
110a₇ ka ka re/ kA ru Ne/ hu hu/ hu hu ba ti/ hu hu san d+hi/ nir+g+ha ta ni/ a baT+Te/ bI baT+Te/ ma d+hu ma ti ma ra dzi te/ bi shud+d+he/ bi shud+ha ba ti/ mi si le/ ma no ra ha re/ blo gros rgya mtsho 'di dag ni dgug pa'i tshig rnams yin te/ tshig de dag gis rgyal po chen po bzhi bkug nas chos kyi

_{iiif viewer powered by OpenSeadragon}

109b - 110b

Texts on this page