rKTs

e-texts navigator

Volume

Page

10b₁ cig phyir 'ong ba rin po che'i rigs dang / phyir mi 'ong ba rin po che'i rigs dang / dgra bcom pa rin po che'i rigs dang / rang sangs rgyas rin po che'i rigs dang / rin po che'i rigs dgu po 'di dag las shin tu 'das nas bcu pa sangs rgyas kyis byin gyis brlabs
10b₂ pa'i lhag pa'i bsam pa snying rje chen po'i rin po che'i rigs las thams cad mkhyen par sems bskyed pa de rin po che 'byung ste/ de yongs su sbyangs na nyan thos dang rang sangs rgyas thams cad zil gyis non cing / sems can thams cad kyi sems kyi rgyud rnams la yang
10b₃ snang bar byed do/ /blo gros rgya mtsho 'di lta ste dper na/ nor bu rin po che chen po de gang gi tshe/ sbyang bzod cing gnod pa bzod la/ phugs nas kyang nyes par ma gyur na/ nor bu rin po che chen po de ni 'di ltar sems can bsod nams byas pa/ dge ba'i rtsa ba
10b₄ bskyed pa rnams la phan pa byed par 'gyur ro/ /blo gros rgya mtsho de bzhin du thams cad mkhyen par sems bskyed pa rin po che de yang gang gi tshe sbyang bzod cing gnod pa bzod la/ phugs nas kyang nyes par ma gyur na thams cad mkhyen par sems bskyed pa rin po che skyon thams
10b₅ cad dang bral ba de 'di ltar sems can thams cad la phan pa byed par 'gyur ro/ /blo gros rgya mtsho de la thams cad mkhyen par sems bskyed pa rin po che de sbyang ba gang zhe na/ 'di lta ste/ sdom pa gsum gyis dge ba bcu'i las kyi lam yongs su dag pa dang / byams
10b₆ pa'i rjes su 'jug pas sems can thams cad la byams shing dang ba dang / snying rje'i rjes su 'jug pas sems can thams cad kyi bya ba ci yod snyam pa la brtson pa dang / dga' ba'i rjes su 'jug pas sems can thams cad chos la sbyor ba dang / btang snyoms kyi rjes
10b₇ su 'jug pas sems can thams cad la mi 'tshe zhing rtag tu sems drang ba dang / g.yo dang sgyu med pas phan pa'i dngos po'i bsam par gyur pa dang / dge ba'i rtsa ba thams cad brtsam pa la lhag pa'i bsam pa sbyor ba dang / cang shes kyi sems kyis dran pa dang shes

_{iiif viewer powered by OpenSeadragon}

10a - 11a

Texts on this page