| e-texts navigator |
| བོད་ཡིག |
109a1 'di la ston cig / de nas bcom ldan 'das kyis skabs phye bas byang chub sems dpa' blo gros rgya mtshos sor mo bcu las 'od zer stong phrag bcu phyung nas/ 'od zer de dag gis sangs rgyas kyi zhing gang gA'i klung bcu gnyis kyi bye ma snyed po de dag las 'das
109a2 nas bde ba thams cad kyis brgyan pa'i 'jig rten gyi khams snang ba chen pos khyab par gyur to/ /der thams cad dang ldan pa'i 'khor de dang / bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu
109a3 'joms pa de dang / bdud sdig can chos kyi khri chen po la 'dug ste 'dus pa chen po'i le'u'i gtam rgya cher yang dag par rab tu ston pa yang mthong ngo / /mthong nas kyang thams cad dang ldan pa'i 'khor de ngo mtshar du gyur nas rang rang gi pad ma'i stan las langs te/ bcom
109a4 ldan 'das de bzhin gshegs pa bdud rab tu 'joms pa de la phyag 'tshal nas/ de dag gis mu tig dang / me tog gis gtor to/ /gtor ma thag tu sangs rgyas kyi mthus 'ongs nas bcom ldan 'das kyi spyi gtsug gi mtshams su me tog gi khang pa brtsegs pa chen
109a5 por gnas par kun tu snang ngo / /de nas bdud sdig can gyis bcom ldan 'das de bzhin gshegs pa bdud rab tu 'joms pa de la 'di skad ces gsol to/ /bcom ldan 'das bdag mi mjed kyi 'jig rten gyi khams su bcom ldan 'das shAkya thub pa'i gan du mchi'o/ /
109a6 bcom ldan 'das des bka' stsal pa/ rigs kyi bu de'i dus la dbab par shes na khyod song shig /de nas bdud sdig can gyis bcom ldan 'das de'i zhabs la mgo bos phyag 'tshal te lan bdun bskor ba byas nas sangs rgyas kyi zhing de nas mi snang bar gyur te/ byang chub
109a7 sems dpa' blo gros rgya mtsho'i byin gyi rlabs dang / rdzu 'phrul gyis skad cig thang cig yud tsam de la mi mjed kyi 'jig rten gyi khams 'dir gnas par gyur to/ /de nas bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ lan
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo