| e-texts navigator |
| བོད་ཡིག |
108b1 dpa' rnams la 'dus pa chen po'i le'u'i chos kyi rnam grangs rgya cher yang dag par rab tu ston pa dang / byang chub sems dpa' blo gros rgya mtsho yang mthong ngo / /'jig rten gyi khams mi mjed chus yongs su gang ba'i rgya mtsho gcig lta bur gnas pa 'di yang mthong ngo / /
108b2 de nas sgrib pa ci yang med par mthong ngo / /phyogs bcu'i 'jig rten gyi khams nas 'dus pa'i byang chub sems dpa' rgyang grags kyi tshad tsam gyi rin po che'i pad ma dag la 'khod cing chos nyan pa de dag kyang mthong ngo / mthong nas kyang tshim zhing mgu la yi rangs shing rab tu
108b3 dga' ste/ dga' ba dang / yid bde ba skyes nas bcom ldan 'das de bzhin gshegs pa shAkya thub pa ga la ba de logs su me tog gtor to/ /gtor ma thag tu sangs rgyas kyi mthus 'ongs nas/ bcom ldan 'das shAkya thub pa'i spyi gtsug gi mtshams su me tog gi
108b4 gdugs chen por gyur to/ /der thams cad dang ldan pa'i 'khor des me tog gi gdugs de mthong nas ngo mtshar du gyur te/ bcom ldan 'das la 'di skad ces gsol to/ /bcom ldan 'das gang me tog gi gdugs 'di lta bur gyur pa'i me tog 'di dag gang nas mchis/
108b5 bcom ldan 'das kyis bka' stsal pa/ grogs po dag me tog 'di dag ni bde ba thams cad kyis brgyan pa'i 'jig rten gyi khams de nas 'ongs te/ byang chub sems dpa' de dag gis nga la mchod pa'i las kyi phyir gtor to/ /gsol pa bcom ldan 'das bdag cag
108b6 gis bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'joms pa de dang / bdud sdig can 'jig rten gyi khams de na ci bgyid pa blta bar bgyi'o/ /de nas bcom ldan 'das kyis 'khor des gsol ba
108b7 btab pa mkhyen nas/ byang chub sems dpa' blo gros rgya mtsho la bka' stsal pa/ rigs kyi bu khyod kyis bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'joms pa de dang / bdud sdig can de 'khor
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo