rKTs

e-texts navigator

Volume

Page

108a₁ rdzogs pa'i byang chub tu sems bskyed nas tshig 'di skad ces bdag gis/ bla na med pa yang dag par rdzogs pa'i byang chub tu sems bskyed de phyin chad bdud kyi las mi bya'o zhes smras so/ /de nas byang chub sems dpa' de dag gis bdud sdig can rin po che bkod
108a₂ pa'i seng ge'i khri la bzhag ste/ de na 'dus pa chen po'i le'u'i chos kyi rnam grangs kyi gtam rgyud ci 'dra ba la rigs kyi bu khyod spobs par gyis shig ces gsol ba btab bo/ /de nas byang chub sems dpa' blo gros rgya mtshos gang bdud sdig can seng ge'i khri la 'dug pa'i kha'i
108a₃ sgo dang / ba spu'i khung thams cad nas ji ltar bcom ldan 'das shAkya thub pas 'dus pa chen po'i le'u rab tu bshad pa lta bu'i gtam byung ste/ yi ge de dag dang / tshig dang / yi ge'i 'bru de dag dang mnyam zhing mi nyung mi mang ma lhag par 'gyur ba de lta bu'i byin gyi rlabs
108a₄ byas so/ /de nas byang chub sems dpa' de dag gis bdud sdig can de las 'dus pa chen po'i le'u'i gtam thos nas/ ngo mtshar du gyur te bcom ldan 'das de la 'di skad ces gsol to/ /bcom ldan 'das bdag cag 'jig rten gyi khams mi mjed de dang / bcom
108a₅ ldan 'das de bzhin gshegs pa shAkya thub pa de dang / byang chub sems dpa' blo gros rgya mtsho de dang / phyogs bcu'i 'jig rten gyi khams nas 'dus pa'i byang chub sems dpa' de dag blta bar bgyi'o/ /de nas bcom ldan 'das de bzhin gshegs pa bdud rab tu 'joms pas
108a₆ mdzod spu nas/ gzugs thams cad ston pa zhes bya ba'i 'od zer phyung ste/ 'od zer phyung ba des sangs rgyas kyi zhing gang gA'i klung bcu gnyis kyi bye ma snyed de dag las 'das te 'jig rten gyi khams mi mjed 'di snang ba chen pos khyab par gyur to/ /der byang chub sems
108a₇ dpa' de dag gis bcom ldan 'das de bzhin gshegs pa shAkya thub pa rin po che bkod pa'i 'khor gyi khyams na bskal pa brgyar yang bsngags pa'i mthar mi phyin pa'i seng ge'i khri chen po la bzhugs te/ phyogs bcu'i 'jig rten gyi khams nas 'dus pa'i byang chub sems

_{iiif viewer powered by OpenSeadragon}

107b - 108b

Texts on this page