| e-texts navigator |
| བོད་ཡིག |
107a1 smras pa/ sdig can kho bo lta bu dag la bzod pa gsol mi dgos so/ /byang chub sems dpa' rnams ni sems can thams cad la shin tu bzod pa nyid do/ /sdig can khyod bde ba thams cad kyis brgyan pa'i 'jig rten gyi khams der song la/ 'jig
107a2 rten gyi khams kyi bkod pa de dag dang / bcom ldan 'das de bzhin gshegs pa bdud rab tu 'joms pa de la ltos shig dang khyod la 'tshe bar mi 'gyur ro/ /de nas byang chub sems dpa' blo gros rgya mtshos lag pa g.yas pa gser gyi kha dog can brkyang nas/ bdud sdig
107a3 can gyi spyi bor bzhag nas/ bden pa dang bden pa'i tshig gang gis byang chub sems dpa' rnams la chos kyi ser sna dang / slob dpon chos kyi dpe mkhyud med pa'i bden pa dang bden pa'i tshig des bdag gis rdzu 'phrul gyi rkang pa ci 'dra bar bdud sdig can gyi yang de dang 'dra bar
107a4 gyur cig ces de lta bu'i bden pa'i byin gyi rlabs byas so/ /byang chub sems dpa' blo gros rgya mtshos tshig de skad ces smras ma thag tu/ de nas bdud sdig can rdzu 'phrul gyi stobs mchog dang ldan par gyur te/ des stong gsum gyi stong chen po'i 'jig rten gyi khams
107a5 'di rnam pa drug tu g.yos par byas nas sangs rgyas kyi zhing 'di nas mi snang bar gyur te/ 'di ltar byang chub sems dpa' blo gros rgya mtsho'i byin gyi rlabs kyis skad cig thang cig yud tsam de la bde ba thams cad kyis brgyan pa'i 'jig rten gyi khams der gnas par gyur to/ /
107a6 de nas bdud sdig can bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bdud rab tu 'joms pa ga la ba der song ste phyin nas/ bcom ldan 'das kyi zhabs la mgo bos phyag 'tshal te lan bdun bskor ba byas nas phyogs gcig tu
107a7 'dug go/ /de nas bcom ldan 'das de bzhin gshegs pa bdud rab tu 'joms pa de'i sangs rgyas kyi zhing de na bdud las btul ba'i byang chub sems dpa' gang dag 'khod pa de dag gis bdud sdig can de mthong nas bcom ldan 'das de bzhin gshegs pa bdud rab tu
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo